Qazır jelıde jeke tasymaldaumen ainalysatyn adamdardy mobildı audarymdardan bas tartyp, qolma-qol aqşaǧa köşuge şaqyratyn aqparat taraluda. Osyǧan bailanysty qarjy ministrlıgı mobildı audarymdardy paidalanuǧa qatysty salyq zaŋnamasyna özgerıster engızu turaly habarlady, dep jazady "Adyrna" ūlttyq portaly stan.kz-ke sılteme jasap.
- Jeke tūlǧalardyŋ jeke audarymdaryn käsıpkerlık maqsatta tölenetın tölemderden böluı turaly biznes qauymdastyqpen, banktermen bırneşe ret talqylandy. Būl bastamalardyŋ maqsaty sifrlyq keŋıstıkte biznestı odan ärı damytu, jäne olar qolma-qol aqşaǧa köşu maqsatyn közdemeidı, - dep mälımdedı ministrlıktıŋ baspasöz qyzmetı.Ministrlık mälımetterdı memlekettık kırıs organdaryna beru turaly alaŋdauşylyqty negızsız dep atady.
- 2022 jyldan bastap bankterden tek käsıpkerlık esepşotqa tüsetın tölemder turaly aqparat alu josparlanuda. Osylaişa, jeke audarymdarǧa salyq salynbaidy. Mäselen, taksi jürgızuşılerı patent negızınde arnaiy salyq rejimın qoldana alady. Būl rejim jylyna 10,3 million teŋgeden aspaityn tabys üşın qolaily. Kassaǧa keletın bolsaq, qazır bırneşe mobildı qosymşalar bar, käsıpker kez kelgen banktıŋ mobildı nūsqasyn jüktei alady. Baqylau-kassalyq maşinany tolyǧymen zaŋdy negızde qoldanyŋyz. Al salyq eseptılıgı E-Salyq Business qosymşasy engızılgennen keiın avtomatty türde qalyptasady. Bız käsıpkerlerdı arandatuşylyqqa boi aldyrmauǧa jäne uäkılettı organdardyŋ resmi aqparatyn ǧana paidalanuǧa şaqyramyz, - dep mälımdedı qarjy ministrlıgı.Ministrlık jeke käsıpkerlerge salyq saluǧa yŋǧaily bolu üşın bırneşe salyq rejimderı bar ekenın, olardyŋ ışınen eŋ qolailysyn taŋdauǧa bolatynyn tüsındırdı. Būl şaralardyŋ barlyǧy biznestı jürgızudı odan ärı jeŋıldetuge baǧyttalǧanyn, sondai-aq jeke käsıpkerler 2023 jylǧa deiın tabys salyǧyn töleuden bosatylatynyn mälımdedı.
"Adyrna" ūlttyq portaly
