Ministr Nūrlan Ermekbaev jyl saiyn «Jomart jürek» syilyǧynyŋ jeŋımpazdaryn marapattau räsımın ūiymdastyrudy tapsyrdy.
Qazaqstan Respublikasy Dın ısterı jäne azamattyq qoǧam ministrılıgınıŋ Alqa mäjılısınıŋ keŋeitılgen otyrysynda ministr Nūrlan Ermekbaev jyl saiyn «Jomart jürek» syilyǧynyŋ jeŋımpazdaryn marapattau räsımın ūiymdastyrudy tapsyrdy, dep habarlaidy Baq.kz.
«Azamattyq jauapkerşılıktı joǧary qoiatyn qazaqstandyqtardy qoǧamdyq yntalandyru asa maŋyzdy. «Ruhani jaŋǧyru» baǧdarlamasy aiasynda öŋırler men jergılıktı qauymdastyqtar damuyna üles qosqan azamattar kötermelenuge laiyqty. Sondyqtan, Azamattyq qoǧam ısterı komitetıne tuǧan jerınıŋ damuyna öz ömırın jäne tabysynyŋ bır bölıgın arnaǧan azamattardy madaqtau üşın «Jomart Jürek» saltanatyn ūiymdastyrudy tapsyramyn», - dedı ministr Nūrlan Ermekbaev.Ministrlık qazırgı uaqytta «Ruhani jaŋǧyru» baǧdarlamasy aiasynda «Tuǧan jer» baǧyty boiynşa «Atameken» şaǧyn baǧdarlamasyn jüzege asyruda. Şaǧyn baǧdarlama jergılıktı qauymdastyqtyŋ özektı mäselelerın şeşu üşın azamattardyŋ, ÜEŪ-dyŋ, erıktılerdıŋ, mesenattar men biznes-qūrylymdardyŋ jäne memlekettık organdardyŋ küş-jıgerın bırıktıruge baǧyttalǧan. Şaǧyn baǧdarlama şeŋberınde ekı negızgı baǧyt ıske asyrylady. Olar: «Äleumettık bastamalar kartasy» jäne «Jomart jürek» jobalary. 2017 jyly şaǧyn baǧdarlama aiasynda jalpy qūny 43 mlrd 530 mln teŋgenı qūraityn 1197 joba aiaqtaldy.
«Būl jobalar aiasynda elımızge «halyqtyq» investisiialar türınde auqymdy kömekter jasaldy. Azamattar, negızınen käsıpkerler äleumettık nysandar saluǧa, olardy rekonstruksiialauǧa jäne qazırgı zamanǧy jabdyqtarmen qamtamasyz etuge qarajat sala bastady», - dep atap öttı
zakon.kz
