Auǧanstannyŋ tek tört provinsiiasynda biylǧy jyldyŋ 15 tamyzynan berı "Taliban" jasaqtary eldı basyp alǧannan keiın 100-den astam būrynǧy polisiia men barlau qyzmetkerı joǧalyp ketken jäne ozbyrlyqpen öltırılgen. "Taliban" raqymşylyq şaralaryna qaramastan būrynǧy äskeri qyzmetkerlerdı öltırıp jatyr. Būl turaly 30 qaraşada halyqaralyq Human Rights Watch (HRW) qūqyq qorǧau ūiymy özınıŋ esebınde baiandady dep habarlaidy "Adyrna" ūlttyq portaly.
Ūiym 2,5 ai ışınde, iaǧni 15 tamyz-31 qazan aralyǧynda Gazni, Gilmend, Kandagar jäne Kunduz provinsiialarynda jüzden astam kısı öltırılgenı turaly derekter jinaǧan. Olar Host, Paktiia, Paktika jäne t.b. provinsiialardaǧy erıktı ölım jazasyna kesudıŋ keŋ körınısın körsetedı. HRW 67 kuägerden, qaza tapqandardyŋ tuystary men dostarynan, būrynǧy ükımet qyzmetkerlerınen, jurnalisterden, medisina qyzmetkerlerınen jäne tälıbterdıŋ sodyrlarynan sūhbat aldy."Taliban" basşylyǧynyŋ uäde etılgen amnistiiasy jergılıktı qolbasşylardyŋ Auǧanstannyŋ būrynǧy qauıpsızdık küşterın sotsyz öltıruıne nemese ūrlauyna kedergı keltırmedı. "Taliban" būdan ärı adam öltırudıŋ aldyn alyp, kınälılerdı jauapqa tartuy jäne qūrban bolǧandardyŋ otbasylaryna ötemaqy töleuı kerek", - dedı HRW basşysynyŋ Aziia boiynşa orynbasary Patrisiia Gossman.
Esepte "Talibannyŋ" būrynǧy polisiia men qauıpsızdık qyzmetkerlerıne olardyŋ qauıpsızdıgıne kepıldık beretın qūjatty tapsyru üşın tırkeuge tūrudy būiyrǧany, bıraq sodyrlar būl aqparatty adamdardy tūtqyndau jäne sotsyz ölım jazasyna kesu üşın paidalanǧany atap ötıldı. Olardyŋ köpşılıgı tırkelgennen keiın bırneşe kün ışınde öltırılgen. Tıptı, radikaldar öltırılgen adamdardyŋ tuystary olardy tauyp aluy üşın denelerdı tastap ketken."Taliban" sonymen qatar İGİL-Horasan (ISKP, Auǧanstandaǧy İslam memleketı bölımşesı) salafizm közqarasyn ūstanuşylardy nemese belgılı bır taipalardyŋ ökılderın qoldady dep aiyptalǧan adamdardy da sotsyz öltıredı.
Bilık etken 3,5 ai ışınde "Taliban" būrynǧy uädelerınıŋ eşqaisysyn, sonyŋ ışınde Auǧanstannan qūlatylǧan ükımetınıŋ būrynǧy şeneunıkterı men qauıpsızdık qyzmetkerlerın keşıru, äielder men qyzdardyŋ, puştundyq emes etnikalyq toptardyŋ qūqyqtaryn saqtau turaly eşbır uädesın oryndamady.Äleumettık jelılerde kün saiyn tälıbterdıŋ Auǧanstan armiiasynyŋ būrynǧy qyzmetkerlerın, polisiia nemese qauıpsızdık qyzmetkerlerın, sondai-aq azamattyq belsendılerdı, sonyŋ ışınde äielderdı öltırıp nemese ūrlaǧany jaily derekter taralyp jatyr.
"Adyrna" ūlttyq portaly.
