Bügın, 2 jeltoqsanda senatorlar "Qazaqstan Respublikasy Täuelsızdıgınıŋ otyz jyldyǧyna bailanysty raqymşylyq jasau" turaly Zaŋdy qabyldady. Aldyn ala mälımet boiynşa biyl 14 myŋ sottaluşy raqymşylyqqa ılınedı, onyŋ ışınde myŋǧa juyq adam bosatylady, dep habarlaidy "Adyrna" ūlttyq portaly "Tengrinews.kz-ke" sılteme jasap.
Zaŋǧa säikes, Qylmystyq kodekstıŋ keibır baptary boiynşa sottalǧandarǧa jazanyŋ ötelmegen bölıgı qysqartylady ne probasiialyq esepten şyǧarylady, al onşa auyr emes qylmystyq ıster boiynşa ıs jürgızu toqtatylady."Bügın bız Memleket basşysynyŋ tapsyrmasy boiynşa daiyndalǧan maŋyzdy zaŋdy qabyldadyq. Raqymşylyq – būl gumanizm aktısı, zaŋdy būzǧan azamattarǧa qatysty memlekettıŋ ızgı nietı men bıldırgen senımı. Ol jasaǧan äreketınıŋ auyrlyǧy eskerıle otyryp, ardagerlerge, kämelet jasyna tolmaǧandarǧa, egde jastaǧy azamattarǧa, I, II toptaǧy mügedekterge jäne azamattar men memlekettıŋ qauıpsızdıgıne asa qater töndırmeitın adamdarǧa qatysty qoldanylady", - dedı Mäulen Äşımbaev.
Terroristık jäne ekstremistık qylmys jasap sottalǧandarǧa raqymşylyq jasalmaidy. Osylaişa, aldyn ala derekter boiynşa 14 myŋnan asa sottalǧan adam raqymşylyqqa ılıgedı, olardyŋ tek bır myŋǧa juyǧy ǧana bostandyqqa şyǧady.Endı Zaŋ Prezidentke qol qoiuǧa jıberıledı jäne ol qoldanysqa engızılgen künnen bastap 6 ai ışınde raqymşylyq jasalady. Sonymen qatar Zaŋda Ükımet pen äkımdıkter raqymşylyq jasalǧandarǧa jūmysqa ornalastyru men emdelu boiynşa äleumettık kömek körsetetını jazylǧan. Būl — Qazaqstannyŋ täuelsızdık tarihyndaǧy toǧyzynşy raqymşylyq.
"Adyrna" ūlttyq portaly.
