Kaspi.kz ókilderi ınstagram jelisindegi paraqshasyna halyqtyń kókeıinde júrgen mańyzdy saýaldarǵa jaýap berdi, dep habarlaıdy "Adyrna" ulttyq portaly.
Mobıldi aqsha aýdarymdaryna baılanysty suraqtarǵa jiti jaýap berdi:
1. Men jeke tulǵamyn. Meniń mobıldi aqsha aýdarymym týraly derekter salyq organyna berile me?
Joq. Bank qupııasyn saqtaý talaptaryna sáıkes sizdiń aqsha aýdarymyńyz týraly derekter salyq organdaryna berilmeıdi. Siz burynǵydaı jeke maqsatyńyz úshin aqsha aýdara alasyz jáne qabyldaı alasyz.
Jalpyǵa birdeı deklaraııalaýdy kezeńmen engizý týraly zańǵa sáıkes kásipkerlik qyzmetti júrgizý belgileriniń bary týraly málimetter tek 2025 jyldan bastap beriletini kózdelip otyr. 2025 jylǵa deıin JK emes jáne memlekettik qyzmetshi emes jeke tulǵalar úshin eshteńe ózgermeıdi.
2. Mobıldi aqsha aýdarymyna shekteý qoıyla ma nemese salyq salyna ma?
Joq. Jeke tulǵalardyń arasyndaǵy aqsha aýdarymyna salyq salynbaıdy. Zań jobasynda aqsha aýdarymyna jańa salyqtyń nemese shekteýdiń paıda bolatyny kózdelmegen.
3. Eger kásipker klıentterden mobıldi aqsha aýdarymyn alatyn bolsa, ol úshin kóterińki salyq tóleýi kerek pe?
Joq. Zań jobasynda jańa salyqtyń paıda bolatyny kózdelmegen.
Kásipkerlik maqsatta mobıldi aqsha aýdarymyn paıdalaný qazirdiń ózinde satýshylardy QR zańnamasyna saı salyq tóleý jáne fıskaldyq chek berý mindetinen bosatpaıtynyn atap ótemiz.
4. Men JK ne kompanııa basshysymyn. Meniń mobıldi aqsha aýdarymym týraly d
erekter salyq organyna berile me?
Jalpyǵa birdeı deklaraııalaýdy kezeńmen engizý týraly zańǵa sáıkes jeke kásipkerge ne kompanııa basshysyna tıesili shottar boıynsha kásipkerlik qyzmetti júrgizý belgileriniń bary týraly málimetter 2024 jyldan bastap beriletini kózdelip otyr.
5. Endeshe bul zań jobasy ne týraly?
Zań jobasy jeke tulǵalardyń arasyndaǵy mobıldi aqsha aýdarymyna qatysty emes.
Mobıldi tólemder uǵymyn jáne JK men zańdy tulǵalar úshin taýarlar nemese qyzmet kórsetý úshin aqyny arnaıy kásipkerlik qyzmetke arnalǵan shottarǵa qabyldaý mindetin engizý kózdelip otyr.
Mysaly, muny taýarlar men qyzmet kórsetý úshin aqy qabyldaýǵa Kaspi Pay mobıldi qosymshasy men Kaspi QR-dyń kómegimen qazirdiń ózinde jasaýǵa bolady.
"Adyrna" ulttyq portaly
