Bügın Jezqazǧan qalasynda halyq şyǧarmaşylyǧy men körkemönerpazdar önerınıŋ «Ūlytau ünı» HHÜIII aimaqtyq festivalı bastaldy, dep habarlaidy Qamshy.kz aqparat agenttıgı.
Festivaldıŋ aşylu saltanatyna Jezqazǧan qalasy äkımınıŋ orynbasary Zina Aqylbekova qatysyp, qūttyqtau söz söiledı.
– «Ūlytau ünı» festivalı – talai düldıldıŋ baǧyn aşyp, jūldyzyn jaqqan öner bäigesı. Dästürlı türde ötetın festival aimaǧymyzdyŋ ruhani ömırınde airyqşa oryn ielenedı. Jezqazǧan-Ūlytau aimaǧynyŋ basty öner festivalınıŋ aşyluymen şyn jürekten qūttyqtaimyn, - dedı Z. Aqylbekova özınıŋ qūttyqtau sözınde.
Festival aiasynda «Aru qalam – Astanam» atty qolöner şeberlerınıŋ körme baiqauy, ūly küişı Qūrmanǧazy Saǧyrbaiūlynyŋ 200 jyldyǧyna arnalǧan küişıler saiysy, Maǧjan Jūmabaevtyŋ tuǧanyna 125 jyl toluyna orai «Maǧjannan qalǧan marjan jyr» körkemsöz oqu şeberlerınıŋ baiqauy, Mädeniet qairetkerı, Jezqazǧan qalasynyŋ Qūrmettı azamaty Mörlıbek Mūratbaevty eske aluǧa arnalǧan «Jyldar men joldar» keşı, «Jūldyz – 2018» aimaqtyq än baiqauy öner süier qauymǧa quanyş syilamaq.
Qazaqstan Respublikasynyŋ Elordasy Astana qalasynyŋ 20 jyldyǧy aiasynda ūiymdastyrylyp otyrǧan öner merekesı 22-24 aqpan aralyǧynda ötedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz