Qamauda otyrǧan äiel tarazdyqtardy 50 million teŋgege aldap ketken, dep habarlaidy «Adyrna» tılşısı Polisia.kz-ke sılteme jasap.
Taraz qalasynyŋ Polisiia basqarmasyna 57 jastaǧy er adam jügındı. Onyŋ aituynşa, 2021 jyldyŋ mausym aiynda özın äkımşılık qyzmetkerı retınde tanystyrǧan äiel päter satyp aluǧa kömektesemın dep senımıne kırıp, onyŋ 1 850 000 teŋgesın iemdenıp ketken. Jedel-ızdestıru ıs-şaralary barysynda polisiia qyzmetkerlerı osyǧan ūqsas 11 qylmys jasaǧany üşın oblys ortalyǧynyŋ tergeu izoliatorynda qamauda otyrǧan 46 jastaǧy äieldı anyqtady. Keltırılgen zalaldyŋ jalpy kölemı şamamen 50 mln. teŋgenı qūraidy. Ūstalǧan äiel kınäsın tolyq moiyndady.
Būl derekke qatysty Qazaqstan Respublikasy Qylmystyq kodeksınıŋ 190-baby 3-bölıgı boiynşa sotqa deiıngı tergeu amaldary bastaldy.
Atalǧan qylmysty jasaǧany üşın QR Qylmystyq kodeksınde mülkı tärkılenumen 3 jyldan 7 jylǧa deiıngı merzımge bas bostandyǧyn şekteu ne sol merzımge bas bostandyǧynan aiyru türındegı jaza közdelgen.
«Adyrna» ūlttyq portaly
