Täuelsızdık jyldary Maŋǧystau oblysynyŋ bılım salasynda bırqatar joba kezeŋ-kezeŋmen sättı ıske asyrylyp, oŋ baǧyttaǧy eleulı özgerısterge qol jetkızıldı. 30 jylda öŋırde 218 balabaqşa, 101 mektep, 17 kolledj aşyldy, dep habarlaidy "Adyrna" ūlttyq portaly Maŋǧystau oblysy äkımınıŋ baspasöz qyzmetıne sılteme jasap.
Maŋǧystau oblysynda mektepke deiıngı bılım beru mekemesınıŋ sany 3 esege artty. 1991 jyly öŋırde 113 balabaqşa jūmys ıstese, 2021 jylǧa qarai olardyŋ sany 331-ge jettı. Bügınde öŋırde 3 pen 6 jas arasyndaǧy balalardy balabaqşamen qamtu 100 paiyzdy qūrap otyr.
Ötken ǧasyrdyŋ 90-şy jyldary oblysta 86-mektep jūmys ıstese, egemendık alǧan 30 jyldabılım nysandarynyŋ sany 2 ese artyp, jaŋadan171 mektep aşyldy. Juyrda qabyldanǧan Maŋǧystau oblysyn damytu keşendı josparyaiasynda aldaǧy 5 jylda 35 bılım beru nysanysalynady. Biyldyŋ özınde 2 memlekettık, 5 jekemenşık mektep aşyldy.
1991 jylmen salystyrǧanda käsıptık jäne tehnikalyq bılım beru jüiesınde de oŋ özgerıster bar. 1991 jyly oblysta 10 kolledj bolsa, Täuelsızdıktıŋ 30 jylynda onyŋ sany 3 ese artyp, bügınde 27-nı qūrap otyr. Memlekettık tapsyrys boiynşa bılım alatyn studentter sany da 3 ese köbeigen.
Öŋırdıŋ damu qajettılıgıne orai turizm, aqparattyq tehnologiialar, halyqqa qyzmet körsetu salalarynda eŋbek etetın bırneşe jaŋa mamandyqtar aşyldy. Bügınde sol mamandyqty igergender ekonomikanyŋ türlı salasynda tabysty eŋbek etıp, eldıŋ damuyna öz ülesterın qosuda. Bılım beru nysandarynyŋ köbeiuıne memlekettık-jekemenşıktık instituttyŋ damuy men biznes sektor investisiiasynyŋ yqpaly zor.
-Täuelsızdıktıŋ alǧaşqy jyldarymen salystyrǧanda, öŋırdegı memlekettık tılde oqytatyn mektepter sany 3,5 esege artty. Bügıngı taŋda barlyq oquşynyŋ 77%-y memlekettık tılde bılım alady. Sonymen qatar, soŋǧy üş jylda "Altyn belgı" iegerlerı 30%-ǧa, üzdık attestat iegerlerı 40 %-ǧa köbeidı. Öŋırge qajettı mamandar daiyndau maqsatynda 2018 jyldan berı 25 mamandyq türı boiynşa 485 studentke, 40 magistrantqa oblys äkımınıŋ oqu granty berıldı. Negızınen densaulyq saqtau, bılım beru jäne auylşaruaşylyǧy mamandyqtaryna basymdyq berılıp otyr. Atalǧan oqu grantynyŋ sany jyl saiyn artyp otyr,- dedı Maŋǧystau oblystyq bılım basqarmasynyŋ basşysy Svetlana Tölebaeva.
"Adyrna" ūlttyq portaly.
