Elordada Qazaqstan-Özbekstan biznes-forumy men Qazaqstan-Özbekstan Iskerlık keŋesınıŋ 4-şı otyrysy ötıp, jalpy somasy 5,9 milliard AQŞ dollaryn qūraityn kelısımderge qol qoiyldy, dep habarlaidy "Adyrna" ūlttyq portaly.
Derekterge süiensek, Qazaqstanda özbek kapitalynyŋ qatysuymen 1400 käsıporyn jūmys ısteidı. Türkıstan oblysynda ötken būl forum qarsaŋynda ekı eldıŋ käsıpkerlerı de 600 million dollarǧa kelısımge keldı.
Forum barysynda ministrlıkter, vedomstvolar, salalyq qauymdastyqtar men biznes ökılderı yntymaqtastyqtyŋ keleşegı turaly aityp, perspektivalyq bırlesken jobalardy tanystyrdy. Otyrysqa qatysuşylar ūsynylǧan jobalardy memlekettık qoldaudyŋ praktikalyq aspektılerı men tetıkterın "G2B" jäne "B2B"formattaryndaǧy kelıssözderdı talqylady.
- Forum qorytyndysy boiynşa jalpy somasy 5,9 milliard dollardy qūraityn sauda kelısımşarttary men ekıjaqty kelısımderge qol qoiyldy, - dep habarlady ministrlık.Jasalǧan kelısımder aldaǧy bırneşe jylda 20-30 myŋ jaŋa jūmys ornyn aşuǧa negız bolady. Otyrys qorytyndysy boiynşa Qazaqstan Respublikasynyŋ Ūlttyq Käsıpkerler Palatasy men Özbekstan Respublikasynyŋ Sauda-önerkäsıp palatasy Qazaqstan-Özbekstan Iskerlık keŋesınıŋ 2022 jylǧa arnalǧan negızgı ıs-qimyl josparyn maqūldady.
"Adyrna" ūlttyq portaly
