Parlament deputaty, Mäjılıstegı Qazaqstan halqy Assambleiasy deputattyq tobynyŋ jetekşısı Sauytbek Abdrahmanov Elbasy Nūrsūltan Nazarbaevtyŋ «Täuelsızdık taǧylymy» atty maqalasy turaly pıkır bıldırdı, dep habarlaidy «Adyrna» tılşısı baq.kz-ke sılteme jasap.
Elbasymyz Nūrsūltan Nazarbaev der şaǧynda, ūlystyŋ ūly toiynyŋ däl qarsaŋynda jariialaǧan «Täuelsızdık taǧylymy» atty eŋbegınde: «Bız atom qaruynan öz erkımızben bas tartyp, bükılälemdık iadrolyq qarusyzdanu köşın bastadyq. Būl – Qazaqstannyŋ jahandyq beibıtşılıktı saqtauǧa qosqan teŋdessız ülesı» dep atap aitqan, qadap körsetken. İä, Qazaqstannyŋ älemdegı beibıtşılık jolyndaǧy şerudıŋ köşın bastaǧanynyŋ özıne otyz jyl tolyp otyr. Ony otyz jyldan berı bükıl älem bılıp, laiyqty baǧalap otyr.
Būl sözge däleldı alystan ızdeudıŋ qajetı joq.
Osydan ekı kün būryn AQŞ prezidentı Djozef Baidennıŋ Qazaqstan prezidentı Qasym-Jomart Toqaevtyŋ atyna memleketımız täuelsızdıgınıŋ mereitoiyna orai joldaǧan qūttyqtauy jariialandy. Onda: «Qazaqstannyŋ Ortalyq Aziiada jäne bükıl älemde beibıtşılık, tūraqtylyq pen güldenudı saqtau jolynda köş bastap kele jatqanynyŋ 30 jyldyq mereitoiy qarsaŋyndaǧy quanyşyŋyzǧa ortaqpyn» dep jazylǧan. Kım aitsa da oŋai söz emes. Älemdegı eŋ quatty eldıŋ liderı aitsa, tıptı salmaqty söz.
Al sodan, iaǧni Nūrsūltan Nazarbaev qazaq jerındegı ajal aranyna öz qolymen qūm qūiyp, tajaldy tūnşyqtyrǧannan nebärı bes-aq jyl būryn bız qandai el edık? Mäskeu oiyndaǧysyn jasaityn, kadrlyq eksperiment ötkızıp, topyraǧymyzǧa tabany tiıp körmegen köldeneŋ kök attyny bızdı basqaruǧa jıbere salatyn el emes pe edık? Sol eldıŋ etektegı basyn törge şyǧaryp bergen eren erdıŋ keşe jariia etılgen tolymdy tolǧauy täuelsızdıktıŋ tar jol, taiǧaq keşuın äŋgımeleumen ǧana şektelmeidı, egemendıkke ūmtylumen ötken halyqtyŋ eŋ qasiettı qūndylyqty qandailyq qasterleuge tiıstı ekendıgın de tebırene söz etedı. Öz jerınde nebärı qyryq paiyzdy qūrap tūrǧan qazaqtyŋ sol syn saǧatta syr bermeuı, tek ruhy küştı, bırlıgı bekem jūrt qana ala alatyn asulardan asuy qasiettı kiemız – täuelsızdıkke sabyr men tözımdılık, aqyl men parasat arqyly qol jetkızuınıŋ arqasy ekendıgın tarihtyŋ tar kezeŋın tamaşa taldai otyryp, tüsındıredı.
«Bız täuelsızdıkke beibıt jolmen qol jetkızsek te, oǧan barar jolda babalar qany az tögılgen joq. Täuelsızdık sol kielı qannyŋ öteuı edı. Men mūnyŋ bärın bız sengen, tärbielegen bügıngı jas ūrpaq bılsın, sanasyna sıŋırsın dep ädeiı jazyp otyrmyn»,– deidı Nūrsūltan Nazarbaev.Bügıngınıŋ bärı op-oŋai bola qalǧandai, qazırgı bereke özdıgınen kele qalǧandai, şekaramyz şielenıssız bekıtıle qalǧandai, elordamyz aiaq astynan ornai qalǧandai, san türlı ūlttyŋ basy äp-sätte bır maqsatqa bırıge qalǧandai köretınder köbeimese, azaimai tūrǧan osyndai şaqta osylai aitatyn kez de kelgen edı. Är adamǧa berıletın baǧanyŋ bıreuı özınıŋ ūl-qyzynyŋ tärbiesı desek, ūstazǧa berıletın baǧanyŋ bıreuı şäkırtınıŋ deŋgeiı desek, el ūstazy bolyp tabylatyn Elbasyna berıletın baǧanyŋ bıreuı – özınıŋ saiasi ızbasaryn tärbieleuı. Būl tūrǧydan bız Elbasymyzǧa Qasym-Jomart Toqaev syndy azamatty jas künınen tamyrşydai tanyp, osynşa jyldar boiy baulyp, qanattandyryp, san qiiaǧa salyp, biıkterge ūşyryp, synaqtarǧa tüsırıp, türlı lauazymdy qyzmetter berıp baiqap, osyndai deŋgeige keltırgenı üşın razylyǧymyzdy bıldıremız.
«Otyz jylǧa juyq el basqarǧan kezımde men janyma qanşama azamatty serık etıp, köptegen şäkırt tärbieledım. Solardyŋ ışınde Ükımet basqarǧan, Bırıkken Ūlttar Ūiymy bas hatşysynyŋ orynbasary retınde jahandyq saiasatqa jetıktıgın tanytqan, täuelsızdıktıŋ alǧaşqy jyldarynan bastap qasymnan tabylǧan naǧyz patriot, joǧary bılıktı käsıpqoi tūlǧa Qasym-Jomart Kemelūly Toqaevty Prezidenttık qyzmetke ūsyndym. Sailauda halyqtyŋ basym köpşılıgı ony qoldady. Osylaişa, bız halqymyzdyŋ auyzbırlıgın, saiasattaǧy sabaqtastyǧymyzdy küllı älem qoǧamdastyǧyna taǧy bır qyrynan tanyta bıldık», - deidı Elbasy.Täuelsızdık toiy qarsaŋynda aitylǧan būl sözder bızdıŋ barşamyzdyŋ keler künderge, kemel keleşekke senımımızdı arttyra tüsedı.
«Adyrna» ūlttyq portaly
