Oŋtüstık Qazaqstan memlekettık pedagogikalyq universitetınde elımızge belgılı tarihşylar bas qosty. Joǧary oqu ornynyŋ ūiymdastyruymen Qazaqstan Täuelsızdıgınıŋ 30 jyldyǧy men memleket jäne qoǧam qairatkerı, etnograf ǧalym Özbekälı Jänıbekovtıŋ 90 jyldyq mereitoiyna arnalǧan «Täuelsızdık – mäŋgılık el tūǧyry» atty halyqaralyq ǧylymi-täjıribelık konferensiianyŋ jūmysy bastaldy.
Konferensiianyŋ aşylu saltanatynda Qazaqstan Respublikasynyŋ Bılım jäne ǧylym ministrı Ashat Aimaǧambetovtyŋ qatysuşy qonaqtarǧa joldaǧan qūttyqtauyn universitet rektory ärı jiynnyŋ moderatory Güljan Sügırbaeva oqysa, qala äkımı Mūrat Äitenovtıŋ jyly lebızı men qūttyqtau sözın ışkı saiasat jäne jastar ısterı jönındegı basqarmasy basşysynyŋ orynbasary Beksūltan Ädılhanov jetkızdı.
Al QR Parlamentı Mäjılısınıŋ Äleumettık-mädeni damu komitetınıŋ müşesı, Bılım jäne ǧylymdy damytu jönındegı qoǧamdyq keŋestıŋ töraiymy Jūldyz Süleimenova konferensiiaǧa onlain qosylyp, köpşılıktı qūttyqtady. Atalǧan basqosu Özbekälı Jänıbekovtıŋ memleket pen qoǧam aldynda qolǧa alyp, jüzege asyrǧan qyruar jūmystaryn jan-jaqty talqylap, jūrtşylyqqa belgısız keibır tarihi oqiǧalar men jaǧdailardy zerdeleude maŋyzdy ekenın atap öttı.
Ǧylymi basqosuda elımız Täuelsızdık alǧan 30 jyl ışındegı jetken jetıstıkterı men damu joldary aişyqtalyp, memleket jäne qoǧam qairatkerı, etnograf ǧalym Özbekälı Jänıbekovtıŋ azamattyq, qairatkerlık bolmysy, ūlttyq qūndylyqtar men mädeniet, öner salasynyŋ jaŋǧyruyna qosqan sübelı ısterı saralandy.
Konferensiiaǧa elımızge belgılı qoǧam qairatkerlerı, halyq qalaulylary, tarihşylar men ǧalymdar qatysyp otyr. Atap aitsaq, olardyŋ qatarynda Qazaq ūlttyq agrarlyq universitetınıŋ «Ruhani jaŋǧyru» gumanitarlyq zertteuler ortalyǧynyŋ jetekşısı, QR Ūlttyq ǧylym akademiiasynyŋ akademigı, tarih ǧylymdarynyŋ doktory, professor H.M.Äbjanov, Äl-Farabi atyndaǧy Qazaq ūlttyq universitetı, Tarih fakultetınıŋ «Qazaqstan tarihy» kafedrasynyŋ meŋgeruşısı, QR Ūlttyq ǧylym akademiiasynyŋ akademigı, tarih ǧylymdarynyŋ doktory, professor B.B.Kärıbaev, filologiia ǧylymdarynyŋ doktory, professor, jazuşy Q.S.Ergöbek, tarih ǧylymdarynyŋ doktory, professor Z.S.Samaşev, Manaş Qozybaev atyndaǧy Soltüstık Qazaqstan universitetı» Basqarma töraǧasy-Rektor keŋesşısı, tarih ǧylymdarynyŋ doktory, professor A.Ǧ.Ybraeva, OQMPU «Älem tarihy jäne dıntanu» kafedrasynyŋ professory, tarih ǧylymdarynyŋ doktory A.N.Poduşkin, şeteldık ǧalymdardan Türkiia Respublikasynan, Mimar Sinan universitetınıŋ professory, tarih ǧylymdarynyŋ doktory Osman Iorulmaz, Polşa Respublikasynan, Pileskii instituty, Totalitarizmdı zertteu ortalyǧy, Keŋestık totalitarizmge qatysty jobalardyŋ üilestıruşısı, gumanitarlyq ǧylymdar doktory E.R.Rogozinskii, Resei Ǧylym akademiiasynyŋ Resei tarihy institutynyŋ bas ǧylymi qyzmetkerı, tarih ǧylymdarynyŋ doktory, professor D.A.Amanjolovalar bar.
Azamat JAPPAR, Foto Serık QOSAEV
