Üşınşı megapoliske COVID-19-ǧa qarsy amerikalyq Comirnaty Pfizer ekpesınıŋ 46 800 dana mölşerındegı alǧaşqy partiiasy jetkızılgen. Bügınde qaladaǧy emhanalar men mektepterde ornalasqan egu punkterınde jasöpırımder men jüktı jäne emızulı analarǧa epke egu jūmystary jürıp jatyr. Qalalyq №13 emhanada erıktı türde vaksina aluǧa niet bıldırgender alǧaşqy komponentın saldyrdy.
Emhana bas därıgerınıŋ orynbasary Natalia Kamalova alǧaşqy künı I komponenttı 12 oquşyǧa salǧanyn mälımdedı. Al bügın emhanaǧa jüktı jäne emızulı balasy bar analar ekpe aluǧa kelgen.
– Bügınde 520 jüktı äiel tırkelgen. Byltyr balalar men jüktı äielderdıŋ de auyrǧandar boldy. Bıraq ol kezde ökınışke qarai aurudyŋ aldyn alatyn vaksina bolmady. Qazır tüsındıru jūmystaryn jürgızıp jürmız. Erıktı türde vaksinanyŋ bırınşı komponentın saldyruǧa kelgender bar. Alǧaşqy künı 12 men 17 jas arasyndaǧy on ekı oquşyǧa vaksina salyndy. Iаǧni, bır dozasy 6 oquşyǧa jetedı. Barlyq talaptar saqtalǧan, - deidı N.Alekseevna.Qala tūrǧyny Karina Raimqūlova 5 ailyq säbiımen kelıp vaksinanyŋ alǧaşqy komponentın saldyrdy. 25 jastaǧy ana būl qadamǧa öz erkımen barǧanyn aitady.
– Qalamyzǧa Pfizer vaksinasyn kelgenın küttım. Jüktı kezımnen bastap osy ekpenı alamyn degen oi boldy. Öitkenı joldasymyz ekeuımız 4 ai būryn jūqpaly ındettı jūqtyryp, auyryp jazyldyq. Ol ekpe saldyrǧan soŋ jeŋıl ötkerdı. Maǧan qiyn boldy. Jazylyp şyqqan soŋ ekpe saldyru keregın tüsındım. Qazır därıger baqylauyndamyn. Kerı äserı baiqalmaidy. Köŋıl-küiım jaqsy, - dedı ol.Aita keteiık, qaladaǧy mektepterde vaksinasiialau jūmystaryn jürgızu üşın 140 egu beketı ūiymdastyrylǧan. Mūnda profilaktikalyq jūmystardy jürgızu üşın barlyq jaǧdai jasalǧan. Ekpe egetın medisina mamandary arnaiy oqytudan ötıp, bılıktılıgın arttyrǧan. Ekpe tūrǧyndarǧa qalanyŋ medisinalyq ūiymdarynda, al jasöspırımderge bılım beru ūiymdarynda ata-anasynyŋ nemese onyŋ zaŋdy ökılderınıŋ erıktı kelısımınen keiın salynady. Jüktı äielderdı, bala emızetın analardy jäne balalardy vaksinasiialau aumaqtyq emhanalarda jürgızıletın bolady.
Azamat JAPPAR
