El Prezidentı Qasym-Jomart Toqaev «Qazaqstan jaŋa şyndyqta: ıs-qimyl uaqyty» atty Qazaqstan halqyna Joldauynda būqaralyq sportty damytudyŋ maŋyzdylyǧyn atap ötken bolatyn. Būl baǧytta Şymkent qalasynda jüielı jūmystar qolǧa alynyp, 2021 jyldyŋ alǧaşqy jartyjyldyǧynyŋ qorytyndysy boiynşa dene şynyqtyrumen jäne būqaralyq sportpen qamtylǧan azamattar sany 340 myŋnan asty. Būl qala tūrǧyndarynyŋ jalpy sanynyŋ 31,2 paiyzyn qūraidy.
Tūrǧyndardyŋ sportpen şūǧyldanuyna mümkındık jasau maqsatynda qala ortalyǧynan şalǧaida jatqan şaǧyn audandar men tūrǧyn alaptarda 115 ämbebap sport alaŋşalary aşyldy. Köp qabatty tūrǧyn üiler boiynşa 101 aula jaŋartylyp, dene şynyqtyru, sporttyq oiyndar ötkızetın oryndar retınde jasaqtaldy.
Būqaralyq sportty damytudyŋ bır baǧyty mektep jäne oquşylar ligasyn ötkızu arqyly damityn mektep jäne studentter sporty. Būqaralyq sporttyŋ būl baǧyty jas ūrpaqtyŋ densaulyǧyn qamtamasyz etıp qana qoimai, suisidtık qūbylystar, naşaqorlyq jäne jasöspırımder arasyndaǧy qūqyq būzuşylyq siiaqty köptegen äleumettık mäselelerdı şeşedı.
Osy maqsatta qalada «Jastar ligasy» sport oiyndary ötkızılıp, oǧan är şaǧyn audan men tūrǧyn alaptar jastary sanatynan 536 komanda qatysyp, sporttyŋ tört türınen saiystar ötkızıldı.
Jalpy, biyldyŋ özınde sport üiırmelerıne qosymşa 4 myŋnan astam balany qamtyp, qalada sporttyq qozǧalystardyŋ damuyna mümkındıkter qarastyrylǧan.
"Adyrna" ūlttyq portaly.
