Şymkent qalasyndaǧy memlekettık jäne jekemenşık emhana janynan qūrylǧan mobildı brigadalar künıne myŋnan asa şaqyrtuǧa barady. Epidemiologiialyq jaǧdaidyŋ kürdelenuıne bailanysty ambulatoriialyq kömek körsetetın brigada mamandaryna tüsetın şaqyrtular sany artyp otyr. Būl turaly Şymkent qalalyq densaulyq saqtau basqarmasynyŋ basşysy Baqytjan Pozilov mälımdedı.
Basqarma basşysy qala äkımdıgınıŋ Instagram paraqşasynda ötken tıkelei efirde atqarylǧan jūmystardy qorytyndylap, tūrǧyndar saualyna jauap berdı.
Basqarma basşysynyŋ aituynşa, qazırgı taŋda 39 memlekettık jäne jekemenşık emhanada 205 mobildı brigada jūmys ısteude. Atalǧan brigada qyzmetkerlerı Covid-19, pnevmoniiaǧa şaldyqqan, jıtı respiratorlyq aurudyŋ belgılerı bar pasientterge üide ambulatoriialyq-emhanalyq kömek körsetıp, kovidke küdıktı pasientterden jedel jäne PTR-testıleu alady.
- Qazırgı taŋda 4 313 nauqas emdelıp jatyr, onyŋ ışınde 2 551 nauqas üi jaǧdaiynda ambulatorlyq em qabyldauda. Osy ambulatoriialyq em qabyldap jatqandarǧa mobildı brigada qyzmetkerlerı kömek körsetude. Qalada jyl basynan berı koronavirus jūqtyrǧan 13 521 nauqas anyqtalǧan. Ökınışke qarai, 248 nauqas qaitys bolǧan. Soŋǧy bır aida köz jūmǧandardyŋ sany kürt köbeigen. İnfeksiialyq stasionarda koronaviruske şaldyqqan 121 jüktı äiel emdelude. Qauıptı infeksiia jūqtyrǧan 6 jüktı äieldıŋ jaǧdaiy auyr, -dedı B. Pozilov.
Aita keteiık, ötken täulıkte COVID-19 infeksiiasyn jūqtyrudyŋ 418 jaǧdaiy tırkeldı. Qazır infeksiialyq stasionarlardaǧy jansaqtau bölımınde 171 nauqas emdelude. Tösek-oryn tolymdylyǧy 64% qūraidy.
Basqarma basşysy tıkelei efir barysynda tūrǧyndardyŋ saualyna jauap berdı.
"Adyrna" ūlttyq portaly.
