JALYNDY JASTAR – JARQYN BOLAŞAQ!

QR Täuelsızdıgınıŋ 30 jyldyǧyna orai bastau alǧan «Täuelsızdık men üşın nenı bıldıredı?» jobasy aiasynda qalalyq etnomädeni bırlestıkter janyndaǧy jastar qanatynyŋ müşelerı T.Pak pen K.Boiko memlekettık tılde Täuelsızdıktıŋ 30 jyldyǧymen qūttyqtap, beineündeu joldady. Memlekettık rämızder künıne arnalǧan respublikalyq #Menıŋtuym patriottyq aksiiasy ötıp, memlekettık rämızderdıŋ qasietı men maŋyzdylyǧy, tarihy men avtory jönınde keŋınen aityldy. Şymkent qalalyq assambleianyŋ tapsyrysymen «Ontustik» telearnasynyŋ efirınen berıletın «Bırlıgı bekem el» telebaǧdarlamasynyŋ «Būl bızdıŋ rämız!» (Memlekettık rämızder künıne orai etnomädeni bırlestıkter janyndaǧy jastar qanattary ökılderınıŋ Memlekettık rämızderge körsetken syi-qūrmetı turaly) şyǧarylymy daiyndalyp, efirden berıldı. Sonymen qatar, «Bız bırgemız!» donorlyq qaiyrymdylyq aksiiasy ötkızılıp, nätijesınde 45 erıktı jastardan 15 litrge juyq qan alyndy. Jinalǧan qajettı qan auyr haldegı nauqastar men onkologiialyq aurulardy emdeuge baǧyttaldy. Qazaqstan halqy Assambleiasynyŋ «Jaŋǧyru joly» RJQ Şymkent qalalyq ştabynyŋ töraǧasy N.Äbdıraiym men «Dostyq» klubynyŋ müşelerı «Ontustik» telearnasynyŋ «Taŋ nūry», «Zhastar LIFE» telebaǧdarlamalaryna qatysyp, jastar tarapynan öŋırde atqarylyp jatqan jäne aldaǧy uaqytta atqarylatyn jūmystar jönınde sūhbat berdı. Jastardy būqaralyq sportqa baulu, olardyŋ bos uaqytyn tiımdı paidalanuyna jäne belsendı ömır saltyn ūstanuyna yqpal etu maqsatynda «13 Legion» ūiymy men jastar qozǧalysynyŋ volonterlyq toby «Street-workout» köşe sportynan Nūrsät alleiasynda qala tūrǧyndaryna arnap şeberlık saǧatyn ūiymdastyrdy. Etnomädeni bırlestıkter janyndaǧy jastar qanattarynyŋ ökılderı, volonterlar jalpyhalyqtyq tazalyq künı aksiiasyna qatysyp, qala aumaǧyndaǧy kölderdıŋ, özenderdıŋ jaǧalaularynda sanitarlyq tazalyq jūmystaryn jürgızdı. Sondai-aq, respublikalyq «BizBirgemiz» aksiiasyn qoldau maqsatynda pandemiia kezınde qalamyzdaǧy qoǧamdyq jūmystarǧa 100-ge juyq Şymkent qalasynyŋ volonterlary jūmyldyrylyp, 20 myŋǧa juyq betperdeler, medisinalyq qolǧaptar men askorbindı qyşqyl därumender taratyldy. Şymkent qalalyq Qazaqstan halqy Assambleiasynyŋ müşelerı men jastar ökılderı «Ridder, bız bırgemız!» qaiyrymdylyq aksiiasyn ötkızıp, jiyntyǧy 8 tonnany qūraityn, qūny 12 mln. teŋge bolatyn gumanitarlyq kömek jönelttı. Öskemen jäne Nūr-Sūltan qalalarynda QHA etnomädeni bırlestıkter jäne jastar ūiymdary ökılderınıŋ qatysuymen etnomädeni bırlestıkterge arnalǧan praktikalyq seminar-trening ūiymdastyrylyp, olarǧa QHA «Jaŋǧyru joly» RJQ Şymkent qalalyq ştabynyŋ 7 ökılı qatysty. Atqarylyp jatqan jūmystar turaly aqparat tūraqty türde öŋırlık BAQ pen äleumettık jelılerde jariialanuda. Jalpy, qazırgı taŋda «Jaŋǧyru joly» qozǧalysynyŋ jūmysyn jandandyruǧa erekşe nazar audarylyp keledı. Aldaǧy uaqytta, jastardy ekonomikalyq, äleumettık salany nyǧaitu, eldegı qoǧamdyq-saiasi tūraqtylyqty, kelısımdı saqtau prosesterıne tartu, jastar mädenietın qalyptastyru, olardyŋ jan-jaqty damuyna, bılım, ziiatkerlık jäne käsıbi-deŋgeiın arttyru maqsatynda bırneşe jobalar jüzege asyrylatyn bolady. Sondai-aq, Assambleianyŋ jastar baǧytyndaǧy qyzmetın odan ärı jetıldıru üşın «Qazaqstan halqy Assambleiasy» ǧimaratynda jastar ökılderı men erıktılerge arnalǧan kabinetpen jäne QHA bastamalaryn ıske asyru üşın kovorking-aimaqpen qamtamasyz etıluı josparlanuda.