Şymkenttegı №4 mekteptıŋ oquşylary koronavirusqa qarsy vaksina aldy. Jasy 12 jastan asqan jetkınşekterge amerikalyq Pfizer kompaniiasynyŋ preparaty salyndy. Osy maqsatta oqu ornyndaǧy medisinalyq punktı arnaiy daiyndalyp, vaksinalaudy oquşylarǧa qalalyq №2 emhananyŋ qyzmetkerlerı jürgızdı.
– Alǧaşqy künı 6 oquşy ekpe aldy. Būl mektepke alǧaş ret kelıp otyrmyz. Aldymen ata-analarǧa aqparattar jıberıp, sodan keiın özderımen söilestık. Vaksinanyŋ maŋyzyn tüsındırdık. Odan keiıngı maŋyzdy mäsele – balalarǧa psihologiialyq qoldau körsetu. Aita keteiık, oquşylar qobaljyǧan joq, ata-analarynyŋ qoldauy bılınedı. Ekpe alǧan balalarmen bailanysta bolady, 3 kün boiy emhanamyzdyŋ qyzmetkerlerı habarlasyp, jaǧdaiyn bılıp tūrady, – deidı №2 emhananyŋ psihology Gülmira Äbıldaeva.Ekpe alǧan balalar medisinalyq kabinette 20 minuttai otyryp, därıgerlerdıŋ baqylauynda boldy. Olarǧa ystyq şai men şokolad berıldı. Aita keteiık, ekpe alǧan balalar sabaqtan üş künge bosatylady.
