Şymkentte şahmattan jasöspırımder arasyndaǧy Qazaqstan Respublikasy chempionatynyŋ jeŋımpazdary anyqtaldy. 8-18 jas aralyǧyndaǧy jasöspırımderdıŋ ziiatkerlık saiysyna kıl üzdıkter qatysty.
Şahmat oiyndary boiynşa jasöspırımder arasyndaǧy el bırınşılıgı Şymkent qalasynyŋ äkımı Mūrat Äitenovtyŋ bastamasymen, barlyq qauıpsızdık şaralaryn saqtai otyryp, jauapkerşılıkpen jüzege asyryldy.
Qala äkımı Mūrat Äitenov üzdık şyqqan jas şahmatşylardy arnaiy qabyldap, qarjylai jüldemen marapattady.
- El Täuelsızdıgınıŋ 30 jyldyǧy aiasynda qalamyzda jasöspırımder arasynda respublikalyq deŋgeidegı şahmat turnirı bırınşı ret ötkızıldı. Osy onkündıkte balalar mol täjırbie jinap, jaŋa orta qalyptastyrdy dep oilaimyn. Şymkent qalasynda şahmattyŋ qarqyndy damuyna barlyq mümkındıkter bar. Qala mektepterınde şahmat arnaiy pän retınde engızıldı. Oquşylar arasynda şahmat turnirı üşınşı märte ötkızılıp otyr. Sızderdıŋ talaptaryŋyzdyŋ arqasynda köptegen jastarymyz jıgerlenedı. Aldaǧy uaqytta älem bırınşılıkterınde üzdık bolatyndaryŋyzǧa senemın, - dedı Mūrat Düisenbekūly qūttyqtau sözınde.
Qazaqstan şahmat federasiiasynyŋ atqaruşy direktory Anuar İsmaǧambetov kürdelı kezeŋde asa joǧary jauapkerşılıkpen el bırınşılıgınıŋ ötuıne qoldau körsetkenı üşın qala äkımıne alǧysyn bıldırdı. Būl turnirde jasöspırımder arasynda üzdık oiynşylar qatysqandyǧyn, Şymkent qalasynda köptegen talantty jastar ösıp jatqandyǧyn aita otyryp, qalanyŋ Qazaqstannyŋ şahmat astanasy atanuy köpten kütken mäsele ekendıgın jetkızdı.
Kezdesu barysynda aldaǧy uaqytta qalada şahmat klubtarynyŋ jelısın qalyptastyru, osy oiyn türınen türlı deŋgeidegı saiystar ötkızu josparlanyp otyrǧandyǧy aityldy.
Aita ketsek, chempionatta Şymkent qalasynan Zeinep Sūltanbek (18 jasqa deiıngı qyzdar arasynda), Aiaulym Qaldarova (14 jasqa deiıngı qyzdar arasynda) I oryndy jeŋıp aldy.
Irıkteu synynan sürınbei ötken jasöspırımder endı elımızdıŋ namysyn älem jäne Aziia chempionatynda qorǧaityn bolady.
"Adyrna" ūlttyq portaly.
