Şymkentte 8 qyrküiek künı KVİ-dıŋ 150 jaǧdaiy tırkeldı (belgılerı bar – 116, belgılerı joq – 34). 86 adam infeksiialyq stasionarǧa jatqyzylyp, 64 adam üi baqylauyna alyndy.
Qazırgı taŋǧa mamandandyrylǧan infeksiialyq stasionarlarda barlyǧy 2 500 oryn bar, tösek oryn tolymdyǧy 40%-dy qūraidy, 1476 tösek oryn bos. İnfeksiialyq stasionarda 1024 nauqas emdelude, jansaqtau bölımınde – 446 tösek oryn bar, 194 nauqas em qabyldauda.
Bır täulık ışınde qalada 4698 adam vaksina aldy
(I komponent-2624, II komponent-2074). Egu nauqany bastalǧaly barlyǧy 449 073 adam vaksinasiialandy. Onyŋ ışınde 379 639 adam vaksinanyŋ ekı komponentın aldy.
Qala aumaǧynda sanitarlyq-epidemiologiialyq talaptardyŋ saqtaluyna monitoring jürgızetın 40 mobildık top soŋǧy täulıkte 358 nysanǧa tekseru jūmystaryn jürgızdı. Onyŋ ışınde 5 nysanda karantin rejimınıŋ talaptary būzylǧandyǧy anyqtalyp, äkımşılık hattamalar toltyryldy.
Vaksina qabyldap, ömırıŋızdı saqtaŋyz. Ekpe alu – qalypty ömırge qaita oraludyŋ jalǧyz joly.
Şymkent qalasy äkımdıgınıŋ baspasöz qyzmetı
