QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty Qazaqstan halqyna arnaǵan Joldaýynda farmaevtıka ónerkásibine erekshe kóńil bólýdi aıtyp, otandyq dári-dármek pen qural-jabdyqtyń úlesin búgingi 17 paıyzdan 50 paıyzǵa jetkizý mejesin belgiledi. Bul baǵytta jaqsy damyp kele jatqan Shymkent qalasyndaǵy otandyq dári-dármekterdiń iri óndirýshisi bolyp tabylatyn «Hımfarm» zaýytyn atap ótken jón.
Búginde kásiporyn tegin medıınalyq kómektiń kepildik berilgen kólemi sheńberinde «Samuryq-Qazyna Farmaııa» JShS satyp alatyn dárilik zattardyń jalpy kóleminiń úshten birin óndiredi.
«Hımfarm» kompanııasy ótken jyly 52,6 mlrd teńgege 76,920 myń ónim qaptamasyn óndirse, osy jyldyń jeti aıynda 25,8 mlrd teńgege 42 myń shamasynda ónim qaptamasyn shyǵarǵan. Buǵan qosa, kompanııada medıınanyń terapııa salasyna qajetti alýan túrli aýrýlardy emdeýge arnalǵan 12 farmoterapııalyq topqa jatatyn 200-den astam djenrıktik jáne túpnusqalyq preparattar shyǵarylady. Sondaı-aq, zaýyt qazirgi kúni Shymkent qalasynda turatyn 1 myńǵa jýyq adamdy turaqty jumyspen qamtyp otyr.
Qazirgi ýaqytta kompanııa GMP halyqaralyq standarttaryna sáıkes jumys istep turǵan farmaevtıkalyq óndiristerdi jańǵyrtý boıynsha asa iri ınvestıııalyq jobany iske asyrýda. 2023 jylǵa deıingi ınvestıııalyq baǵdarlamanyń kólemi 120 mıllıon AQSh dollarynan astam somany quraıdy. Búgingi tańda ıgerilgen soma 97 mln. AQSh dollaryn quraıdy.
Kompanııa ónimderin Reseı, Ýkraına, Qyrǵyzstan, Mońǵolııa, Ózbekstan, Túrkmenstan, Tájikstan syndy 7 eldiń naryqtaryna eksporttaıdy jáne ishki naryqtyń qajettilikterin qamtamasyz etedi.
Shymkent qalasy ákimdiginiń baspasóz qyzmeti
