Senat Töraǧasy Mäulen Äşımbaev Memleket basşysynyŋ tapsyrmasy boiynşa Qyzylorda oblysynda bolyp, Täuelsızdıktıŋ 30 jyldyǧyna arnalǧan saltanatty ıs-şaraǧa qatysty. Mäulen Äşımbaev oblys tūrǧyndary aldynda söz söilep, Qazaqstannyŋ ötken kezeŋdegı negızgı jetıstıkterıne toqtaldy, dep habarlaidy "Adyrna" ūlttyq portaly.
«Täuelsızdık jyldarynda bızdıŋ memlekettılıgımız tolyq qalyptasty. Irgemız bekıp, şekaramyz bırjola şegendeldı. Memlekettık instituttardyŋ berık negızı qalandy. Eskırgen josparly ekonomikadan uaqyt talabyna sai jaŋa ekonomikalyq modelge köştık jäne ony nyǧaita tüstık», – dedı Senat Töraǧasy.Ol sondai-aq Qazaqstannyŋ halyqaralyq qoǧamdastyqtyŋ tolyqqandy jäne yqpaldy müşesıne ainalǧanyn atap öttı. Qazaqstannyŋ Tūŋǧyş Prezidentı – Elbasy Nūrsūltan Nazarbaevtyŋ saiasatynyŋ arqasynda elımızdıŋ ortalyǧynda müldem jaŋa – Nūr-Sūltan qalasy salyndy. Elordanyŋ salynuy elımızdıŋ bükıl ekonomikasy men öŋırlerdıŋ damuyna serpındı äser ettı. Mäulen Äşımbaev osy jyldar ışınde Qyzylorda oblysy da qarqyndy damyp, qazır maŋyzdy industriialyq jäne agrarlyq öŋırge ainalǧanyn tılge tiek ettı. Senat Töraǧasy Aral problemasyn şeşu mäselesıne de nazar audardy.
«Tek Täuelsızdık alǧannan keiın ǧana Aral problemasyna şynaiy män berıle bastady. Tūŋǧyş Prezidentımızdıŋ ūsynysymen «Syrdariia özenınıŋ arnasyn retteu jäne Aral teŋızınıŋ soltüstık bölıgın saqtau» jobasy qolǧa alyndy. Osynyŋ nätijesınde Soltüstık Araldyŋ arnasy tolyp, köptegen biologiialyq türler qalpyna kelgenı bärımız üşın ülken quanyş», – dep atap öttı Mäulen Äşımbaev.Sondai-aq Senat Töraǧasy el Prezidentı Qasym-Jomart Toqaevtyŋ bastamasymen Qazaqstanda saiasi, äleumettık jäne ekonomikalyq reformalardyŋ jaŋa kezeŋı bastalǧanyn aitty.
«Prezidentımızdıŋ tapsyrmasy boiynşa memlekettık basqaru salasynda jüielı reformalar jüzege asuda. «Halyq ünıne qūlaq asatyn memleket» tūjyrymdasy negızgı qaǧidaǧa ainaldy. Jergılıktı ökıldı jäne atqaruşy bilıktıŋ derbestıgın arttyru üşın maŋyzdy qadamdar jasaldy. Biyl tūŋǧyş ret auyl äkımderınıŋ tıkelei sailauy öttı. Būl özgerıs halyqtyŋ jergılıktı bilıktı jasaqtauǧa tıkelei yqpal etuıne jol aşty», – dedı Senat Töraǧasy.Mäulen Äşımbaev sondai-aq el Prezidentınıŋ öŋırlerdı damytuǧa erekşe nazar audaryp otyrǧanyn aitty. Memleket basşysy biylǧy qazan aiynda 10 ūlttyq jobany bekıtken bolatyn. Olardyŋ qatarynda «Quatty öŋırler – el damuynyŋ draiverı» arnaiy jobasy da bar.
«Bes jyl ışınde Öŋırlerdı damytu boiynşa ūlttyq jobany ıske asyruǧa aitarlyqtai qarajat bölınedı dep josparlanuda. Elımızdıŋ «ışkı bailanysyn» küşeitu mındetı jüktelıp otyr. Işkı kölık jelısın damytu üşın respublikalyq maŋyzy bar jäne jergılıktı maŋyzǧa ie joldar salynyp, qaita jaŋǧyrtylady. Būl Syr elınıŋ kölık-logistikalyq äleuetın odan ärı arttyra tüsetını sözsız», – dedı Mäulen Äşımbaev.Saltanatty şara barysynda Senat Töraǧasy el Prezidentınıŋ atynan elımızdıŋ jäne öŋırdıŋ damuyna erekşe üles qosqan qyzylordalyqtarǧa memlekettık nagradalardy tabys ettı. Öŋırge sapary barysynda Mäulen Äşımbaev Qyzylorda qalasynda tabaq şyny öndıru jäne öŋdeu zauytyn ıske qosu räsımıne qatysty. Oblys äkımı Gülşara Äbdıqalyqovanyŋ aituynşa, Täuelsızdıktıŋ 30 jyldyq mereitoiy qarsaŋynda ıske qosylǧan būl käsıporynnyŋ öŋır üşın maŋyzy zor ärı aimaq ekonomikasyna oŋ äser etuge tiıs.
«Jergılıktı şikızattyŋ 90 paiyzy şyny öndırısınde paidalanylady. Soda külı şyny qūnynyŋ 80 paiyzyn qūraityn negızgı bölık. Sondyqtan Aral qalasynda salynatyn soda zauyty käsıporynnyŋ basty jabdyqtauşysy bolady. Şyny zauyty tolyq quatymen jūmys ıstegen kezde 226 jaŋa jūmys orny aşylady, qosalqy öndırısterde 300-ge juyq tūraqty jūmys orny ıske qosylady, bız bırınşı kezekte jergılıktı mamandarǧa basymdyq beremız», – dedı Gülşara Äbdıqalyqova.Mäulen Äşımbaev sonymen qatar, «Nūrly jer» memlekettık baǧdarlamasy aiasynda salynǧan 50 päterlı tūrǧyn üidıŋ kıltın tapsyru räsımıne jäne sporttyq-sauyqtyru keşenınıŋ aşyluyna qatysty.
«Täuelsızdıktıŋ 30 jyldyǧy – elımız üşın maŋyzdy meje, aituly beles. Qazaqstan būl kezeŋge ırı jetıstıktermen jetıp otyr. Al, endıgı mındet – barymyzdy baǧalap, jeŋıstı jolymyzdy jalǧau. Bız ärdaiym Täuelsızdıgımızdı saqtauǧa, qorǧauǧa jäne nyǧaituǧa küş saluymyz qajet. Ol üşın tatulyǧymyz berık, bırlıgımız bekem, tırlıgımız tiianaqty boluǧa tiıs. Osy baǧytta bärımız jūmylyp, nätijelı eŋbek ete beremız dep senemın», – degen Mäulen Äşımbaev qyzylordalyqtardy Täuelsızdıktıŋ 30 jyldyǧymen qūttyqtap, olarǧa baq-bereke tıledı.
"Adyrna" ūlttyq portaly
