Bır kün būryn Şymkent qalalyq polisiia departamentınde tergeu kezınde jūmbaq jaǧdaida qaitys bolǧan Nūrbolat Jūmabaevtyŋ äkesı Erqara Jūmabaevqa 9 jeltoqsanda ūlynyŋ mäiıtı körsetıldı. Balasynyŋ denesı qantalap ketkenın aitqan Erqara Jūmabaev ony "ūryp öltırgen boluy mümkın" degen küdıktıŋ ūlǧaiǧanyn aitty, dep habarlaidy “Adyrna” ūlttyq portaly Azattyq radiosyna sılteme jasap.
– Denesınıŋ sau jerı joq. Qantalap ketken. Basy, iyǧy, aiaǧy, arqasy. Kögergende denesı qaraiyp ketken. Kameraǧa tüsıruge rūqsat bermedı. Özderı tüsırıp tūrdy. Advokat soqqynyŋ ızderı deidı. Al analar (prokuratura men polisiia qyzmetkerlerı – red.) ündemei tūr, – dedı Erqara Jūmabaev Azattyq tılşısıne.Ol 9 jeltoqsanda taŋerteŋ jurnalisterge "ūly auyryp köz jūmdy" degen poliseilerdıŋ sözıne senbeitının, balasyn "ūryp öltıruı mümkın" ekenın jetkızgen edı. Jūmabaevtyŋ sözıne qaraǧanda, 8 jeltoqsanda kündızgı saǧat 12-ler şamasynda balasy Nūrbolat Jūmabaevpen beineqoŋyrau arqyly söilesıp tūrǧan kezde ūlyn polisiia ūstaǧan. Şamamen 4 saǧat ötkennen keiın balasynyŋ qaitys bolǧany jönınde habar jetken. Ol ūlynyŋ densaulyǧy jaqsy bolǧanyn, jüregı auyrmaǧanyn aitady. 8 jeltoqsanda marqūmmen bırge ūstalǧan ekınşı küdıktı Sergei Petrov şekesınıŋ kögergenın aitady. Ol poliseilerdıŋ özderın ūryp-soqqanyn jetkızdı.
— Basymyzǧa qap kigızıp, ūryp soqty. Odan soŋ qalalyq polisiia departamentıne äkeldı. Bızdı jedel uäkılder ūrdy. Jūmabaevty da ūrdy. Onyŋ bärın kördım. Basymyzǧa kurtka kigızıp, qolymyzdy kısendedı. Kurtka tüsıp qaldy. Ony (Jūmabaevty – red.) qalai äketkenın, qalai ūryp soqqanyn kördım, – deidı Sergei Petrov.Al beisenbı künı osy oqiǧaǧa tüsınıkteme bergen Şymkent qalalyq polisiia departamentınıŋ bastyǧy Eraly Jūmahanbetov "tergeu amaldary jürıp jatqan kezde artyq äŋgımenı neǧylamyz" dep saraptama nätijesın kütuge keŋes berdı.
– Kabinette jıgıtterge "mazam bolmai tūr" dep aitqan. Endı sızder keşırıŋızder, bız därıger emespız. Ärtürlı jaǧdai bolady. Saraptama nätijesın küteiık, – dedı ol.Jurnalisterdıŋ "tergeu kezınde kabinette kamera boldy ma?" degen sūraqqa ol "iä" dep jauap berdı. Bıraq ol turaly ärı qarai aitpady. Onyŋ aituynşa, marqūmdy tergegen bes-alty adamnyŋ eşqaisysyna äzırge jūmystan şettetılmegen. Olardyŋ äreketı tekserılıp jatyr.
- Tergeu amaldaryna qatysuǧa qūqymyz joq. Prokuratura men özındık qauıpsızdık qyzmetı dene jaraqatyn bärın qarap şyqqan. Alǧaşqy kezde körınıp tūrǧan jaraqat joq dep aitty. Qaitalap aitamyn, men därıger, sarapşy emespın, - dedı polisiia bastyǧy.Qazaqstanda polisiia departamentınde jūmbaq jaǧdaida qaitys bolǧan oqiǧalar jiı kezdesedı. 2020 jyly qazan aiynda ŞQO-da "mal baǧyp jürgen jerınen ūstalyp, polisiiaǧa jetkızılgen" tūrǧyn belgısız jaǧdaida qaitys boldy. Tuystary marqūmdy "polisiia bölımşesınde azaptap öltırgen boluy mümkın" dep aitqan. Keiın oqiǧaǧa bailanysty bırneşe qyzmetker ūstalǧan.
”Adyrna” ūlttyq portaly
