Dulyǧa Aqmolda 50 jasqa toldy. Jürekjardy qūttyqtau tılektı Ūlttyq kinony qoldau memlekettık ortalyǧy öz feisbuk paraqşasynda bölıstı, dep habarlaidy “Adyrna” ūlttyq portaly.
⠀
Bügın Qazaqstandaǧy eŋ tanymal ärı sūranysqa ie, kinomandar da, teatr önerınıŋ janküierlerı de jaqsy bıletın jäne jaqsy köretın akterlerdıŋ bırı – Dulyǧa Aqmolda 50 jyldyq mereitoiyn atap ötude.
⠀
Ol 1993 jyly Almaty teatr institutyndaǧy Tūŋǧyşbai Jamanqūlovtyŋ şeberhanasyn üzdık bıtırgen. Tälımger bolaşaǧy zor 22 jasar tülegın özı oinaityn sahnaǧa – M. Äuezov atyndaǧy Qazaq ūlttyq drama teatryna alyp keledı. Ol jerde Dulyǧa 30-dan astam rölderdı somdaǧan. Romeodan bastap Korol Lirge deiın, Hlestakovtan Spargapiske deiın – akterdıŋ şyǧarmaşylyq mümkındıkterınıŋ auqymy keŋ.
⠀
Ärine, mūndai talant kino älemınde nazardan tys qalmady. Onyŋ kinodaǧy mansaby 2001 jyly Satybaldy Narymbetov «Qyz jylaǧan» filmıne şaqyrǧanda bastalǧan. Sodan berı akter drama, komediia, ekşn, triller siiaqty türlı janrdaǧy tolyq metrajdy kartinalar men teleşoularda oinady. Bügınde onyŋ kinodaǧy jetıstıkterı teatrlyq eŋbekterınen kem tüspeidı – jäne bırneşe jyl būryn QR Prezidentınıŋ Jarlyǧymen akterge teatr jäne kino önerı salasyndaǧy jetıstıkterı üşın «Qazaqstannyŋ eŋbek sıŋırgen qairatkerı» qūrmettı ataǧy berılgen.
⠀
Kino ortalyǧynyŋ ūjymy Dulyǧa Dosmūhambetūlyn mereitoiymen şyn jürekten qūttyqtaidy jäne zor densaulyq, mol baqyt pen tausylmas şyǧarmaşylyq tabys tıleidı!
“Adyrna” ūlttyq portaly
