Dýlyǵa Aqmolda 50 jasqa toldy

2999
Adyrna.kz Telegram

Dýlyǵa Aqmolda 50 jasqa toldy. Júrekjardy quttyqtaý tilekti Ulttyq kınony qoldaý memlekettik ortalyǵy óz feısbýk paraqshasynda bólisti, dep habarlaıdy “Adyrna” ulttyq portaly. 

Búgin Qazaqstandaǵy eń tanymal ári suranysqa ıe, kınomandar da, teatr óneriniń jankúıerleri de jaqsy biletin jáne jaqsy kóretin akterlerdiń biri – Dýlyǵa Aqmolda 50 jyldyq mereıtoıyn atap ótýde.

Ol 1993 jyly Almaty teatr ınstıtýtyndaǵy Tuńǵyshbaı Jamanqulovtyń sheberhanasyn úzdik bitirgen. Tálimger bolashaǵy zor 22 jasar túlegin ózi oınaıtyn sahnaǵa – M. Áýezov atyndaǵy Qazaq ulttyq drama teatryna alyp keledi. Ol jerde Dýlyǵa 30-dan astam rólderdi somdaǵan. Romeodan bastap Korol Lırge deıin, Hlestakovtan Spargapıske deıin – akterdiń shyǵarmashylyq múmkindikteriniń aýqymy keń.

Árıne, mundaı talant kıno áleminde nazardan tys qalmady. Onyń kınodaǵy mansaby 2001 jyly Satybaldy Narymbetov «Qyz jylaǵan» fılmine shaqyrǵanda bastalǵan. Sodan beri akter drama, komedııa, ekshn, trıller sııaqty túrli janrdaǵy tolyq metrajdy kartınalar men teleshoýlarda oınady. Búginde onyń kınodaǵy jetistikteri teatrlyq eńbekterinen kem túspeıdi – jáne birneshe jyl buryn QR Prezıdentiniń Jarlyǵymen akterge teatr jáne kıno óneri salasyndaǵy jetistikteri úshin «Qazaqstannyń eńbek sińirgen qaıratkeri» qurmetti ataǵy berilgen.

Kıno ortalyǵynyń ujymy Dýlyǵa Dosmuhambetulyn mereıtoıymen shyn júrekten quttyqtaıdy jáne zor densaýlyq, mol baqyt pen taýsylmas shyǵarmashylyq tabys tileıdi!

“Adyrna” ulttyq portaly

Pikirler