Būl jüie Tasmaǧambetov sekıldı jeke tūlǧalardy qūrban etuge äzır jüie

Bilıkpen aitysamyz, tartysamyz. Jalpy ideologiialyq tūrǧyda bolsyn, jekelegen mäseleler boiynşa bolsyn, pıkır talastyryp kelemız. Sonda ūqqanym mynau: bilık basynda otyrǧandar ekıge bölınedı. Bırı – jüie äbden taptap, bärın bır qatarǧa tūrǧyzyp qoiyp, aşsa alaqanynda, jūmsa, jūdyryǧynda ūstap, tyrp etkızbeitın soldattar. Ekınşısı – jüie ışınde jürıp, onyŋ aitpasa da tüsınıktı erejelerı men şarttaryn qabyldasa da, öz bılımı men bılıktılıne nyq senımdı, sol sebeptı oryndy jerınde mınez körsete alatyn tūlǧalar. Alǧaşqy toptaǧylar – tūtas bır armiia bolsa, ekınşılerı – sirek kezdesetın qolbasşylyq qasietterı bar qairatkerler, beiresmi liderler. Olar rejimnıŋ Prokrust qalybyna siia almaǧandar, siia almaityndar. «Oiymyzdaǧyn aityp, mınez tanytamyz» dep bırazy ärtürlı sebeptermen qatardan şyǧarylyp, «öşıp» te qalǧan. Sol sanattaǧylardyŋ bıregeiı – bügın 65-ke tolyp otyrǧan İmanǧali Tasmaǧambetov. Onyŋ talantty ūiymtastyruşy, memleketşıl, ūltşyl qairatker ekenın fanattary da, ata jaulary da moiyndaidy. Bır närse anyq: ol Nūrsūltan Nazarbaevtyŋ özıne jäne ol qūrǧan bilık jüiesıne berılgen, oǧan şyn nietımen qyzmet etken tūlǧa. Oǧan Nazarbaev ta ülken senım artty. Sondyqtan ol prezident lauazymynan basqa qyzmettıŋ bärın atqardy. Ondai karera jasaǧan şeneunık qazaqta joq şyǧar. «Jaqsy jıgıttıŋ soŋynan söz eredı» degen ataly söz bar. «Şeneunıktıŋ bärı jemqor» degen jalpaq söz bar. Qasqyrdyŋ auzy, jese de, qan, jemese de, qan. İmekeŋ de «tise terekke, timese, būtaqqa» prinsipımen aitylatyn sol jalpylama häm bırjaqty pıkırdıŋ bır qūrbany dep bılemın. Būl jüie eşkımdı aiamaidy. Bälkım, onyŋ qūiryǧyna da qoŋyrau bailap qoiǧan şyǧar. Ol jaǧyn bılmedım. Bıraq aitaiyn degenım myna ekı şyndyq. Tasmaǧambetovtyŋ ekı tragediiasy bar. Bırı – ol harizmasy erekşe, tym körnektı, jarqyn tūlǧa. Onyŋ bolmysyn, keide tym qatty ketetın aduyn mınezın būl jüie kötere almady dep sanaimyn. Jalpy, tym közge tüsken tūlǧalardyŋ ortaq taǧdyry osy! Būl jüiege ondai adamdar kerek emes! Jäne de ony köre almai, tua bıtken qasietterıne, el ışındegı bedelıne, elektorattyq äleuetıne qyzǧanyşpen qaraǧan basqa emes, naq özınıŋ qatarlastary, bırge qyzmettes, dastarhandas bop, «İmeke, İmeke!», - dep qūraq ūşyp jürgender dep bılemın. Jäne de ol turaly ärtürlı qauesetterdı taratyp jürgender de solar men olarǧa baǧynyşty BAQ pen jeke tūlǧalar dep bılemın. Äitpese, qairatker Tasmaǧambetovke degen eldıŋ köpşılıgınıŋ köŋlı qandai ekenın bilıktıŋ özı bıledı dep sanaimyn. «Şaŋyraq» oqiǧasy tūsynda da küşteu qūrylymdarǧa kım būiryq bergenın uaqyt körsete jatar. Öz basym, ondai organdarǧa qala äkımı pärmen bere alady degenge senbeimın. Ekınşısı – ol bar sanaly ömırın sarp etken osy jüiege jan-tänımen berılıp, odan däl sondai jauap küttı. Olai bolmady: būl jüie kez kelgen adamdy taptap öte beretın, bır adamnyŋ (onyŋ kım ekenın bärımız bılemız) müddesıne tūtas bır ūltty, ūrpaqtardy, ideialardy, Tasmaǧambetov sekıldı jeke tūlǧalardy qūrban etuge äzır jüie. PS. «Äşeiınde bilıktegı tanystary turaly post jazbaityn Ämırjan nege bügın sonşa lirikaǧa salyndy?» deuşılerge jauabym mynadai. Şynymen de, «oppozisiiadaǧy menıŋ bıreuge salqynym tiıp ketpesın» dep bilıkte jürgen dos, joldas, tanystaryma, būrynǧy ärıptesterıme qatysty jariia pıkır bıldırmei jürgenım ras. Bıraq, «prezident boluǧa laiyqty ekı adam bolsa, bırı Tasmaǧambetov» dep jürgen jūrt ta onyŋ qazırgı kezeŋde resmi qyzmette joq ekenın bıledı. Sondyqtan, däl qazır salqynym tie qoimas. Sol salqyn tiıp jatsa da, bırneşe jyl boiyna İmekeŋmen bırge jūmys ıstep, 28 jasymda ministr Tasmaǧambetovtyŋ orynbasary bolǧan menıŋ bügın, onyŋ tuǧan künınde ünsız qalǧanym yŋǧaisyz bolar. PS 2. "Antitasmaǧambetovşıl" kommentatorlarǧa aldyn-ala aitaiyn: men onyŋ advokaty emespın, ükımetten ketkelı onymen tūraqty bailanysym joq. Sol baiaǧy "salqynym tiıp ketpesın" dep, "nege oppozisiiamen aralasyp jür" dep ony aiyptamasyn dep, kezdesuge qūştar bolǧan emespın. Qoǧamda bar ärtürlı aiyptarǧa azamat retınde özı jauap berer. PS 3. Mynau 1996 jylǧy foto. Tasmaǧambetov – vise-premer, men – ükımet baspasöz qyzmetınıŋ jetekşısımın. Odan keiın fotoǧa tüspeppız. Ol äleumettık saladaǧy reformalardy nasihattap, 16 oblysty aralap kelgen tūsy. Sol turaly jurnalisterge esep berıp jatyr. Qazır sondai, künı-tünı aimaqtardy aralap, memleket saiasatyn tüsındıretın şeneunıkter bar ma özı?!