Almatylyq Maqpal Nūrlan 29 qyrküiekte tuǧan qyzy ūl emes ekenın däleldei almai jür. Qaladaǧy №3 perinataldyq ortalyq därıgerlerı qyzdyŋ medisinalyq tuu turaly kuälıgıne säbidıŋ jynysyn «ūl» dep jazyp bergen. Esımın Ajar dep qoiǧan närestesınıŋ dünie esıgın aşqanyna üş aiǧa juyqtasa da, älı eşqandai qūjaty joq, – dep habarlaidy «Adyrna» ūlttyq portaly 31-arnaǧa sılteme jasap.
«Özı qyz bala, bıraq qūjatta «ūl» dep körsetılgen. Bızge osyny özgertıp bere almai jatyr. Balamnyŋ älı künge deiın tuu turaly kuälıgı joq. Ekı jarym aidan berı osy qatege bola qūjatty ala almai jürmız. Azan şaqyryp, atyn «Ajar» dep qoisaq ta, balamnyŋ tuu turaly kuälıgı joq. Sony özgertıp bere almai jatyr. Bır jarym aida özgertıp beremız dep aitqan edı», – dedı säbidıŋ anasy Maqpal Nūrlan.Äieldıŋ joldasy Ūlarbek Omar perzenthanadaǧylardyŋ adammen qarym-qatynasynyŋ da köŋıldı könşıtpeitının aitady. Ortalyqqa san ret kelse de, qanaǧattanarlyq jauap almaǧan.
«Azamattyq pen AHAJ qūjatymyz bar. Qazaqstan Respublikasynyŋ tolyqqandy azamatymyz. Bıraq, 2,5 aidan berı tuu turaly kuälık bermei jatyr. «Qaida barsaŋdar, onda baryŋdar» dep bızge dūrystap jauap bermeidı», – dedı Maqpal Nūrlannyŋ joldasy Ūlarbek Omar.Perinataldy ortalyq qyzmetkerlerı balanyŋ jynysyn jazǧanda qate jıbergenın moiyndap otyr. Bıraq būl därıgerlerdıŋ qatelıgı emes ekenın aitady.
«Būl qatelık därıgerdıŋ salǧyrttyǧy da, qatelıgı de emes. Alaida aqparattyq jüiege operator säbi turaly aqparatty engızgen kezde jynysyn qate jazǧan. Būl qatelıktı bız bırden baiqadyq. Barlyq aqparattyq jüie bır-bırımen bailanysty bolǧandyqtan, ony sol jerde bırden jöndei almadyq. Keiın algoritmge säikes, özımızden joǧary tūrǧan mekemege hat jazdyq», – dep tüsındırdı Almaty qalalyq perinataldyq ortalyq direktorynyŋ orynbasary Saltanat Erbolatova.Qalalyq densaulyq saqtau basqarmasyna hat joldaǧan perinataldyq ortalyqtaǧylar olqylyq juyq arada tüzetıledı dep sendırdı. Al säbidıŋ ata-anasy qūjat qolǧa tise, sotqa jügınbeitının aityp otyr.
«Adyrna» ūlttyq portaly.
