El Täuelsızdıgınıŋ 30 jyldyǧyna orailastyrylǧan «Täuelsızdık – qasietım, qasterlım!» atty «Altyn dombyra» respublikalyq aqyndar aitysy märesıne jettı. Ekı künge sozylǧan jyr alamany «Nur Otan» partiiasynyŋ qoldauymen QR Mädeniet jäne sport ministrlıgı men Nūr-Sūltan qalasy äkımdıgınıŋ ūiymdastyruymen öttı.
Elordadaǧy Roza Baǧlanova atyndaǧy «Qazaqkonsert» zalynda suyryp salma aqyndardyŋ 11 jūby ekı kün boiy aityssüier qauymdy örelı önerı, örnektı sözderımen susyndatty. Olar Täuelsiz Qazaqstannyŋ 30 jyldaǧy jetken jetistikterin, Elbasy saiasatynyŋ arqasynda berekesı artyp, bırlıgı jarasqan eldegı auyzbırşılık pen saiasi tūraqtylyqty, Täuelsızdık jolynda jan aiamai küresken tūlǧalar turaly jyrlady. Arasynda ädemı äzıl men jarasymdy qaljyŋ da aityldy.
Aqyndardyŋ önerıne körnektı öner qairatkerı, Qazaqstan jäne KSRO Halyq artisı, Memlekettık syilyqtyŋ iegerı Asanälı Äşımov bastaǧan qazylar alqasy baǧa berdı. Sondai-aq, qazylar qūramynda aitys aqyny, Qazaqstannyŋ halyq aqyny Äsiia Berkenova, üş dürkın «Altyn dombyra» iegerı Mūhtar Niiazov, aitysker aqyn, Qazaqstannyŋ eŋbek sıŋırgen qairatkerı Amanjol Ältaev jäne özge de öner, qoǧam qairatkerlerı boldy. Alamandy Qazaqstannyŋ eŋbek sıŋırgen qairatkerı, Halyqaralyq aitys jäne jyrşy-termeşıler odaǧynyŋ töraǧasy Jürsın Erman jürgızdı.
Aitystyŋ şyraqşysy atanǧan Jürsın Erman ata-babalarymyzdan miras bolyp jetken töl önerımızge qoldau bıldırıp kele jatqan «Nur Otan» partiiasyna alǧysyn jetkızdı.
Aqyndardyŋ önerıne körnektı öner qairatkerı, Qazaqstan jäne KSRO Halyq artisı, Memlekettık syilyqtyŋ iegerı Asanälı Äşımov bastaǧan qazylar alqasy baǧa berdı. Sondai-aq, qazylar qūramynda aitys aqyny, Qazaqstannyŋ halyq aqyny Äsiia Berkenova, üş dürkın «Altyn dombyra» iegerı Mūhtar Niiazov, aitysker aqyn, Qazaqstannyŋ eŋbek sıŋırgen qairatkerı Amanjol Ältaev jäne özge de öner, qoǧam qairatkerlerı boldy. Alamandy Qazaqstannyŋ eŋbek sıŋırgen qairatkerı, Halyqaralyq aitys jäne jyrşy-termeşıler odaǧynyŋ töraǧasy Jürsın Erman jürgızdı.
Aitystyŋ şyraqşysy atanǧan Jürsın Erman ata-babalarymyzdan miras bolyp jetken töl önerımızge qoldau bıldırıp kele jatqan «Nur Otan» partiiasyna alǧysyn jetkızdı.
«Qazaqtyŋ bekzat önerı aitysty «Nur Otan» partiiasy qanatynyŋ astyna alǧaly 3 jyldan asty. Erkındıktı, keŋdıktı, quatty qoldaudy sezınıp jatyrmyz. Sondyqtan, osy aitysqa qoldau bıldırıp otyrǧan elımızdıŋ bas partiiasyna aqyndardyŋ atynan şynaiy alǧysymyzdy bıldıremız», – dedı Jürsın Erman.Sonymen, qazylar alqasynyŋ şeşımımen merekelık aitysta aqyndardyŋ eşqaiysy da jüldesız qalmady. Yntalandyru syilyǧyna Arǧynbek Qalbaev, Tölegen Jamanov, Bauyrjan Şirmedin, Nūrzat Qaru, Rauan Qaidarov, Qalijan Bırdäş ie boldy. Qazylar alqasynyŋ töraǧasy Asanälı Äşımovtıŋ ūsynysymen taǧaiyndalǧan arnaiy jülde Böken Jıgerge berıldı. Üşınşı orynǧa ekı aqyn laiyq dep tanylsa, ony Rüstem Qaiyrtai men Jansaia Musina enşıledı. Ekınşı orynǧa Meiırbek Sūltanhan ie boldy. Bırınşı oryn men «Aitystyŋ aqtaŋgerı» tösbelgısı Erkebūlan Qainazarovqa berıldı. Al bas jülde – «Altyn dombyra» jäne Nūr-Sūltan qalasynyŋ äkımdıgı taǧaiyndaǧan temır tūlpar jyr alamanynda şaşasyna şaŋ jūqtyrmaǧan Bekarys Şoibekovke būiyrdy. Dübırlı dodanyŋ bas jüldesın tapsyrǧan «Nur Otan» partiiasy Töraǧasynyŋ Bırınşı orynbasary Bauyrjan Baibek ūlttyq önerımızdı ūlyqtauǧa atsalysyp jürgen azamattarǧa jäne jyr bäigesınıŋ alamanyna qatysqan barşa aqyndarǧa rizaşylyǧyn bıldırıp, şyǧarmaşylyq tabys tıledı.
«Aityskerlerımız ekı kün boiy öte jaqsy öner körsettı. Qanşama tūşymdy oi, qanatty söz aityldy. Täuelsızdık jyldaryndaǧy jetıstıkterımızdı jan-jaqty körsetıp, jyrǧa qosty. Bız şyn mänınde Mäŋgılık el bolamyz desek, onda aitysty qoldauymyz kerek. Nege deseŋız, ol – aldymen ana tılımızdı qoldau. Sodan soŋ, öner jarystyryp, söz saiystyru bolǧan kezde aqyndardyŋ şeberlıgı şyŋdalady. Qazırgıdei pandemiia jaǧdaiynda konsertter būrynǧydai köp öte bermeitındıkten, şyǧarmaşylyq adamdarynyŋ tabysyna äser etude. Osynyŋ bärın eskerıp, onyŋ üstıne jas ūrpaq ūlttyq önerımızdı ūmytpasyn jäne ana tılımızdıŋ abyroiy asqaqtasyn ärı halyq aitys körıp, aiyzy qansyn degen maqsat boldy», – dedı partiia Töraǧasynyŋ Bırınşı orynbasary.Sondai-aq, ol kıl myqtylar jinalǧan alamanda naǧyz jüirıktı anyqtau qazylar alqasyna oŋai bolmaǧanyn aita kele, ınılık ızetpen aǧasyna jol bergen türkıstandyq aqyn Erkebūlan Qainazarovqa rizaşylyǧyn bıldırdı.
«Soŋǧy jyldary Elbasynyŋ tapsyrmasy boiynşa Türkıstan şyn mänınde Türkı älemınıŋ ruhani ortalyǧy retınde damyp kele jatqanyn bılesızder. Qanşama qūrylys jürgızılgen kielı şahar bügınde qaita tülep jatyr. Osy joly «Altyn dombyranyŋ» iesı – Bekarys Şoibekov. Endı «Altyn dombyra» da Türkıstanǧa ketedı. Türkıstan jūrtyn qūttyqtaimyz! Bastysy, elımız aman, jūrtymyz tynyş bolsyn! Täuelsızdıgımız tūǧyrly, eldıgımız mäŋgılık bolsyn!», – dedı Bauyrjan Baibek.Öz kezegınde, bas jüldenı qanjyǧasyna bailaǧan Bekarys Şoibekov lebızın öleŋmen jetkızdı: Atyŋnan ainalaiyn Alty Alaşym Saǧan kelıp, keŋıdı-au arqa-basym. Azattyq alǧan künı bastalǧan toi, Qazaq aman bolǧanda tarqamasyn! Bız endı Türkıstanǧa bet alamyz, Būiyrsa bırer künde jete alarmyz. Ol bızdıŋ tört qaqpaly qalamyz ǧoi, Tanytpai ony qalai jata alamyz?! Aşyp qoi tört qaqpaŋnyŋ törteuınde, Aramyzda joq bızdıŋ şekaramyz. Erkebūlan ekeumız qatarlasyp, Saǧan «Altyn dombyra» aparamyz!
"Adyrna" ūlttyq portaly
