Qazaqstan prezidentı Nūrsūltan Nazarbaev qazaq tılınıŋ märtebesın köteru baǧytyndaǧy jūmystardy jalǧastyru keregın aitty, dep habarlaidy Qamshy.kzagenttıgı. Būl turaly Aqordanyŋ baspasöz qyzmetı jazdy.
Aqparat jäne kommunikasiialar ministrı Däuren Abaevpen kezdesu barysynda Memleket basşysyna «Törtınşı önerkäsıptık revoliusiia jaǧdaiyndaǧy damudyŋ jaŋa mümkındıkterı» atty joldau aiasynda qoiylǧan mındetterdıŋ ıske asyryluy tanystyryldy.
Elbasy innovasiialar men jaŋa tehnologiialardy engızu jönındegı jūmystardy jalǧastyru, sondai-aq būl ürdıske «Qazaqstandaǧy 100 jaŋa esım» jobasyna qatysuşylardyŋ kreativtı äleuetın paidalanu qajet ekenın atap öttı.
Sonymen qatar, Nūrsūltan Nazarbaev qazaq tılın latyn qarpıne köşıru mäselesıne toqtalyp, memlekettık tıldıŋ märtebesın arttyruǧa baǧyttalǧan şaralar qabyldaudyŋ maŋyzdylyǧyn aitty.
– Halqymyz üşın latyn qarpıne köşu üderısınıŋ tarihi mänı zor. Sonymen bırge, qazaq tılınıŋ märtebesın arttyru jönındegı jūmystardy jalǧastyru qajet. Parlament pen Ükımettıŋ qyzmetı tek memlekettık tılde jürgızıluge tiıs. Sondai-aq, būl mäsele boiynşa azamattardyŋ qūqyǧyn şekteuge bolmaidy. Olar üşın ılespe audarma jasau mümkındıgın qarastyrǧan jön, – dedı Qazaqstan Prezidentı.
Memleket basşysy latyn qarpıne kezeŋ-kezeŋmen köşudıŋ maŋyzdylyǧyn aityp, qazaq tılın üiretu ädıstemelerın jetıldıru mäselelerın jan-jaqty zertteudı tapsyrdy.
Būdan bölek, Elbasy kiberqauıpsızdıktı qamtamasyz etu jäne otandyq būqaralyq aqparat qūraldarynyŋ bäsekege qabılettıgın arttyru mäselelerıne nazar audardy.
Nūrsūltan Nazarbaev elımızdıŋ telearnalaryndaǧy seriialyq önımderdıŋ sapasyn arttyru qajettıgıne toqtalyp, mass-media jastarǧa patriottyq tärbie beru ısınde maŋyzdy röl atqaratynyn atap öttı.
Kezdesu barysynda Däuren Abaev Qazaqstan Prezidentıne «Sifrlyq Qazaqstan» baǧdarlamasyn ıske asyru jospary turaly baiandap, onyŋ basym baǧyttaryn tüsındıruge bailanysty şaralar jönınde mälımet berdı.
– Bız «Sifrlyq Qazaqstan» memlekettık baǧdarlamasyn jüzege asyru jūmystaryn jalǧastyrudamyz. Jalpy, baǧdarlama aiasynda 120 bırlesken ıs-şara közdelgen, onyŋ jiyrmasy biyl oryndalatyn bolady, – dedı Aqparat jäne kommunikasiialar ministrı.
Sondai-aq, D.Abaev Nūrsūltan Nazarbaevqa «Astana EKSPO-2017» körme keşenı infraqūrylymynyŋ bazasynda qūrylǧan «Astana Hub» halyqaralyq tehnoparkı jūmysynyŋ bastalǧanyn mälımdedı.
Kezdesu soŋynda Memleket basşysy bırqatar naqty tapsyrma berdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz