Şymkent qalalyq ışkı saiasat jäne dın ısterı jönındegı basqarmasy Abai audany äkımşılıgı men «Şyǧarmaşyl jastar» qoǧamdyq qorymen bırlesıp «Erlıkke taǧzym» taqyrybynda kezdesu ūiymdastyryp ötkızdı.
Abai audany äkımınıŋ, audandyq ardagerler keŋesı töraǧasynyŋ, Ūly Otan soǧysy men Auǧan soǧysy ardagerlerınıŋ, qalanyŋ qūrmettı azamattarynyŋ, eŋbek ardagerlerınıŋ jäne jastardyŋ qatysuymen ötken kelelı kezdesu Täuelsızdıgımızdıŋ 30 jyldyǧy aiasynda barlyq sanitarlyq talaptardy saqtap ūiymdastyrylyp otyr.
Erlıkke taǧzym jasau ärbır azamattyŋ qasiettı boryşy. Osynau keŋ baitaq jerdı dūşpannyŋ közınen, jaudyŋ bözınen beker saqtap qalǧan emes, keleşek ūl-qyzdary üşın amanattap qaldy. Olardyŋ erlıgın aityp, ata-babamyzdyŋ batyrlyq bolmysyn este ūstap, onymen maqtanu – kez kelgen ūrpaqtyŋ paryzy.
Babalar erlıgı ūrpaqqa ruh beredı degen maqsatpen ūiymdastyrylǧan döŋgelek üstel otyrysyn aldaǧy uaqytta Şymkent qalasynyŋ basqa da audandarynda ötkızu josparlanuda.
Şymkent qalasynyŋ Aqparattyq kommunikasiialyq ortalyǧy
