Almatyda «Tabiǧi turizm: jahandyq syn-qaterler jäne Qazaqstannyŋ keleşegı» taqyrybynda konferensiia öttı. Şarany Qazaqstanda jaŋadan qūrylǧan «Elım-ai» Ūlttyq ekologiialyq turizm qauymdastyǧy ūiymdastyrdy, dep habarlaidy "Adyrna" ūlttyq portaly.
Qauymdastyq maqsaty – ūlttyq parktermen, memlekettık organdarmen, käsıpkerlık salamen bırge bioaluantürlılıktı qorǧai otyryp, elımızde tabiǧi turizmdı damytu. Sol sebepten de şarada Qazaqstanda ekologiialyq turizm salasyn jetıldıru mümkındıkterı, ūlttyq parkterdegı infraqūrylymdy jetıldıru, tabiǧi turizm arqyly öŋırlerdıŋ ekonomikalyq äleuetın ösıru jäne tabiǧi aluantürlılıktı barynşa saqtap qalu mäselelerı ortaǧa salyndy.
Konferensiiaǧa calalyq ministrlıkter ökılderı, elımızdegı barlyq ūlttyq parkter men tabiǧi qoryqtardyŋ basşylary, halyqaralyq qorlar, turistık biznes, joǧary oqu oryndary, zertteu instituttary, ekologiialyq jäne qoǧamdyq ūiymdar, qoǧam qairatkerlerı qatysty.
QR Mädeniet jäne sport ministrınıŋ orynbasary Erjan Erkınbaevtyŋ sözınşe, osy jyldyŋ soŋǧy 9 aiynda elımızdegı ūlttyq parkterge keluşıler sany 1 million adamǧa juyqtap, ötken jylǧy körsetkışke jetıp ülgergen.
Konrad Adenauer qorynyŋ Qazaqstandaǧy basşysy Iohannes D.Rai jastar arasynda ekologiialyq aǧartu jūmysynyŋ maŋyzdylyǧyna toqtaldy.
Assosiasiianyŋ Basqarma töraiymy Samal İbraeva basqa da barlyq müddelı taraptardy bırge jūmys ısteuge şaqyrdy.
Ekologiia jäne tūraqty damu institutynyŋ direktory Qūralai Kärıbaeva ūlttyq parkter aumaǧyndaǧy bioaluantürlılıktı, jer resurstaryn saqtaudyŋ maŋyzyna toqtaldy.
QR Mädeniet jäne sport ministrınıŋ orynbasary Erjan Erkınbaevtyŋ sözınşe, osy jyldyŋ soŋǧy 9 aiynda elımızdegı ūlttyq parkterge keluşıler sany 1 million adamǧa juyqtap, ötken jylǧy körsetkışke jetıp ülgergen.
- Işkı turizmnıŋ basqa da körsetkışterı jaqsardy. Soŋǧy 9 aida ışkı turister sany 5,2 mln adamdy qūrap, 2019 jylǧy statistikadan asyp kettı. Sol sebeptı elımızdegı ūlttyq parkterdegı rekreasiialyq jüktemenı eskeru mäselesıne erekşe nazar audarǧym keledı. Qolda bar ädıstemeler ūlttyq parkterdegı infraqūrylymdy damytuǧa negızdelmegen. Al infraqūrylymdy jetıldıru turisterdı köbırek qabyldauǧa septıgın tigızedı. Mysaly, eger jol jöndelse, aumaq turisterdıŋ jüruıne yŋǧailansa qosymşa 2000 adamdy qabyldauǧa bolady, turistık soqpaq jasalsa, 1000 adam taǧy qosylady. Alaida bız mūnyŋ ekologiialyq jaǧyn ūmytpauymyz kerek. Rekreasiialyq jüktemenıŋ limitınen asuǧa bolmaidy. Bız osyndai konsepsiiamen ǧana tabiǧatty da saqtap, zamanaui turizmdı de damyta alamyz, - deidı E.Erkınbaev.
Konrad Adenauer qorynyŋ Qazaqstandaǧy basşysy Iohannes D.Rai jastar arasynda ekologiialyq aǧartu jūmysynyŋ maŋyzdylyǧyna toqtaldy.
- Ormanda 20 şaqyrym jürseŋız, arnaiy qoqys alaŋdarynan da köp qoqys kezdestıruge bolady. Sol sebeptı azamattar ekosaiasattyŋ, ekologiianyŋ mänın dūrys tüsınuı kerek. Tabiǧatty qorǧai otyryp qarjy jaratyp qana qoimai, tabys ta tabuǧa bolady. Ekoturizm ideiasynyŋ ūtymdylyǧy sonda. Būl salada jergılıktı tūrǧyndar jūmys oryndaryn qūryp, käsıptı damyta alady. Mūnymen şektelıp qana qoimai, bılım beru mekemelerıne baryp tabiǧatty qorǧau turaly jiı tüsındıruımız qajet. Jastarmen köbırek jūmys ıstegende ǧana innovasiia bolady , - dep aitty I.D.Rai.QR EGTRM Orman şaruaşylyǧy jäne januarlar älemı komitetı töraǧasynyŋ orynbasary Daniiar Tūrǧambaev ūlttyq parkterdegı infraqūrylymdy damytu jobalary osy baǧytta qabyldanǧan tūjyrymdamalar negızınde jüzege asatynyn, būl tūrǧyda «Elım-ai» ekoturizm qauymdastyǧymen bırge jūmys ısteu josparlanyp otyrǧanyn atap öttı. Sol sebepten de bırqatar memlekettık ūlttyq tabiǧi parkter men assosiasiia arasynda ärıptestık turaly memorandumdarǧa qol qoiyldy.
Assosiasiianyŋ Basqarma töraiymy Samal İbraeva basqa da barlyq müddelı taraptardy bırge jūmys ısteuge şaqyrdy.
- Qoǧam ökılderı men saladaǧy sarapşylardy tarta otyryp, ekologiia, turizm salalaryndaǧy zaŋnamany jetıldıruge belsendı qatysamyz. oturizm salasyndaǧy barlyq ūiymdar üşın, qoryqtar men ūlttyq parkterge keluşıler üşın bıryŋǧai baqylau men erejelerdı äzırleimız. Barlyq ūlttyq parkterde ekologiialyq biznes-prosestı jolǧa qoiyp, sol arqyly ūlttyq parkter qyzmetın tolyq reformalauǧa basymdyq beremız. Qazırdıŋ özınde bızdıŋ assosiasiiamyz memlekettık jäne käsıpkerlık sala ökılderın, tabiǧat qorǧau ūiymdaryn, turistık käsıpkerlıktı, qoǧamdyq ūiymdardy, qoǧamdyq pıkır köşbasşylaryn, halyqaralyq ūiymdar basşylaryn bırıktırıp ülgerdı. Küş bırıktıru arqyly bıryŋǧai ūstanymǧa kelemız degen senımdemın. Qaitalanbas körkı bar tabiǧi nysandarymyzdyŋ ahualyna, ūlttyq parkterdıŋ jaǧdaiyna bei-jai qaramaityn, jalpy tabiǧatymyzǧa janaşyr azamattardyŋ jäne ūiymdardyŋ barlyǧyn assosiasiiaǧa qosyluǧa şaqyramyn, - dedı ol.
Ekologiia jäne tūraqty damu institutynyŋ direktory Qūralai Kärıbaeva ūlttyq parkter aumaǧyndaǧy bioaluantürlılıktı, jer resurstaryn saqtaudyŋ maŋyzyna toqtaldy.
- Ūlttyq parkter de, ekologiialyq turizm ūiymdary öz mındetterın dūrys atqarsa, tabiǧatymyz bailyǧymyzdy keler ūrpaqqa bere alamyz. Bız qazır keleşekke tiesılı resurstardy qoldanyp jatyrmyz. Resurstarymyzdy rasionaldy paidalanyp, jaqsy baǧdarlamalar arqyly osy ideiany är azamattyŋ sanasyna sıŋıruımız kerek. Ekologiia, ekonomika jäne äleumettık mäseleler arasyndaǧy balansty üştaǧan etıp, teŋ ūstau öte maŋyzdy, - dedı akademik.Būdan bölek, konferensiia aiasynda erekşe qorǧalatyn tabiǧi aumaqtar basşylaryna Ile-Alatau parkınıŋ Aiusai şatqalynda tanymdyq ekskursiia ūiymdastyrylyp, vizit-ortalyq tanystyryldy. Atap öteiık, tabiǧi turizm bügıngı zamannyŋ dinamikalyq trendterınıŋ bırı. Älemdık naryqta ekoturizm salasyndaǧy marşruttarǧa sūranys bırneşe jyldan berı qarqyndy ösıp keledı. Älemdık statistikaǧa säikes, ekoturizm jyl saiynǧy ösımnıŋ 10-15% -yn qūraidy, pandemiia kezınde älemdık turizmde onyŋ ülesı 30% - ǧa deiın joǧarylady. Ortalyq Aziia adam qoly timegen jäne bastapqy qalpy būzylmai saqtalǧan tabiǧi obektılerdıŋ köptıgımen ekoturizmdı damytuda ülken äleuetke ie. Tek bır ǧana Qazaqstannyŋ özınde erekşe qorǧalatyn tabiǧi aumaqtardyŋ jalpy audany 26 mln gektardy qūraidy, būl ekoturizmı jaqsy damyǧan bırqatar elderge qaraǧanda on ese ülken.
"Adyrna" ūlttyq portaly
