«Nūr Otan» partiiasy Töraǧasynyŋ Bırınşı orynbasary Mäulen Äşımbaev Elbasynyŋ «Qazaq tılı älıpbiın kirillisadan latyn grafikasyna köşıru turaly» Jarlyǧyna engızılgen özgerısterge qatysty pıkır bıldırdı, dep jazady Qamshy.kz aqparat agenttıgı.
Mäulen Äşımbaevtyŋ aituynşa, jaŋa nūsqa halyqtyŋ oi elegınen ötken, barlyq pıkırler eskerılıp, naqty däiekterge süiengen strategiialyq şeşım.
– Elbasy Jarlyǧyna engızılgen özgerıster qazaq tılın halyqaralyq deŋgeige jaqyndatatyn, ūlttyq fonetikamyzdyŋ aiasyn keŋeitetın sol arqyly qazaq qarıpterın älemnıŋ är tükpırınde tanyp, bıluge mümkındık beretın negızgı tetık dep esepteimın, – dedı «Nūr Otan» partiiasy Töraǧasynyŋ Bırınşı orynbasary.
Sonymen qatar Mäulen Äşımbaev jazu-syzu tıldıŋ eŋ näzık salalarynyŋ bırı ekenın aitty. Sondyqtan būl mäsele bükılhalyqtyq talqylauǧa ūsynylyp, saliqaly oi, salmaqty pıkırlermen bırge syni közqarastar da aitylǧany belgılı.
Būl jönınde «Nūr Otan» partiiasy Töraǧasynyŋ Bırınşı orynbasary:
– Halyqtyŋ atalǧan mäselege qyzu pıkır bıldırıp, öz oilaryn erkın aituy köŋıl quantarlyq jaǧdai. Būl halyqtyŋ saiasi, äleumettık deŋgeiı men jauapkerşılıgınıŋ artqanyn körsetetın qūbylys. Sol sebeptı, bügıngı nūsqany qoǧamnyŋ talap-tılekterı men pıkırlerınıŋ nätijesı dep bılemın, – dedı.
Engızılgen soŋǧy özgerısterdıŋ nätijesınde qazaq älıpbiı būrynǧydan da qolaily ärı tiımdı bola tüspek. Mäulen Äşımbaevtyŋ sözıne qaraǧanda, jaŋa nūsqa aqparattyq tehnologiiaǧa beiımdelgen ärı innovasiia talaptaryna sai jäne älemdık täjıribede keŋınen qoldanylady. Mäselen, portugal, fransuz, cheh tılderınde diakritikalyq taŋbalar bar.
Sondai-aq, «Nūr Otan» partiiasy Töraǧasynyŋ Bırınşı orynbasary bügınde elımızde jüzege asyrylyp jatqan saiasi, ekonomikalyq, äleumettık jäne ruhani jaŋǧyru üderısınde tılımızdıŋ de jaŋa beleske köterıluı kemel keleşektıŋ körınısı ekenın atap öttı.
– Latyn älıpbiı eŋ aldymen halqymyzdyŋ bäsekege qabılettılıgın arttyryp, pragmatikalyq sananyŋ ornyǧuyna daŋǧyl jol aşady. Sifrlyq tehnologiianyŋ erkın enuıne, innovasiiaǧa beiımdeluge, bılımnıŋ saltanat qūruyna ülken üles qosady. Būl igı bastama ūlttyq bıregeilıktı saqtap, sanamyzǧa tyŋ serpın beretını sözsız, – dedı Mäulen Äşımbaev.
qazaquni.kz
