«Qazaqstan» jäne «Habar» telearnalary Täuelsızdıgımızdıŋ 30 jyldyq mereitoiyna orai äzırlengen jaŋa tuyndylaryn körermen nazaryna ūsynady, dep habarlaidy QazAqparat tılşısı. «Habar» telearnasynda 29 qaraşadan berı «Elbasy. Täuelsızdık jylnamasy» derektı filmı körsetılude. Qazaqstan Täuelsızdıgınıŋ 30 jyldyǧyna arnalǧa tuyndy 15 seriiadan tūrady. Onyŋ ärqaisysy elımızdıŋ oryn alǧan tarihi oqiǧalar men sätterge arnalǧan qorytyndy seriiasy 17 jeltoqsanda körsetıledı.
«Qazaqstan turaly aitamyz». Däl osyndai ataumen 13 jeltoqsannan berı «Habar» telearnasynda saǧat 12:30-da Qazaqstan Respublikasynyŋ Täuelsızdıgı jyldarynda jūmys ıstegen halyqaralyq sarapşylardyŋ qatysuymen derektı baǧdarlama siklı körsetılıp jür. Baǧdarlama barysyn keiıpkerler ekskiuzivtı sūhbat berıp, Qazaqstanǧa qatysty oilarymen, közqarastarymen bölısıp, elımızde atqarǧan qyzmetı menjūmys nätijelerı jaiynda baiandaidy.
«Habar» arnasynyŋ taǧy bır derektı filmı «Egemendık. Täuelsızdıkke deiıngı 418 kün»dep atalady Derektı filmde Qazaqstan Täuelsızdıgın alar kezeŋdegı maŋyzdy tarihi jaittar baiandalady. Filmdı 16 jeltoqsan künı saǧat 10:00-de tamaşalai alasyzdar.
18-19 jeltoqsan künderı saǧat 12:30-da «Habar» telearnasynda Roza Baǧlanovanyŋ ömır jolynan syr şertetın 8 bölımdı serial körermenge jol tartady.
Al «Qazaqstan» ūlttyq telearnasy 17 jeltoqsan künı saǧat 14:50-de Täuelsızdık künıne orai arnaiy joba - «Jeltoqsan jaŋǧyryǧy» atty derektı filmın ūsynady. Arhivtık qūjattar men naqty derekterge negızdelgen film elımızdıŋ tarihi kezeŋı – Qazaqstan Respubikasynyŋ Täuelsızdıkke qol jetkızuıne arqau bolǧan «Jeltoqsan» oqiǧasynyŋ 35 jyldyǧyna arnalady.
Sonymen qatar «Qazaqstan» ūlttyq telearnasy QR Täuelsızdıgınıŋ 30 jyldyǧyna orai eldıŋ memlekettık şekarasy turaly «№9» atauymen derektı film tüsırdı. Derektı filmde QR Tūŋǧyş Prezidentı – Elbasy N.Nazarbaevtyŋ şekarany bekıtudegı jürgızgen resmi kelıssözderı men qazaq diplomattarynyŋ tabandy äreketterı tarihi derektermen baiandalady. Derektı joba 16 jeltoqsan 16:20-da efirge şyǧady.
