Täuelsızdık künı Almatyda 106 säbi düniege keldı, dep habarlaidy “Adyrna” ūlttyq portaly Almaty telearnasyna sılteme jasap.
Täuelsızdıktıŋ 30 jyldyǧynda №2 qalalyq perzenthanada 14 säbi düniege keldı: 11 ūl jäne 3 qyz. Därıgerlerdıŋ aituynşa, barlyq bosanu sättı ötken. Qazır därıgerler bosanǧan äielderdıŋ özderın jaily sezınuı üşın barlyq jaǧdaidy jasap jatyr. Mereitoilyq dataǧa orai emdeu mekemesınıŋ ūjymy analarǧa syi-siiapat jasaudy jön kördı.
"Analarymyz merekenı sezınsın dep syi jasadyq. Perzenthanada jürgende bızde mereke ekenın ūmytyp ketedı", - deidı №2 qalalyq perzenthana bas därıgerınıŋ orynbasary Nazgül İmanǧalieva.Mūndai atauly datalarda balalarǧa erekşe esımder beru – üirenşıktı ädet deidı mamandar. Negızınen jaŋa tuǧan närestelerge körnektı qairatkerler, ärtıster men akterlerdıŋ esımderı berılgen. Mäselen, osy perzenthanada bır kelınşek säbiıne halyq qaharmany Qairat Rysqūlbekov esımın berudı ūiǧardy.
"Säbiımız 16 jeltoqsanda düniege kelgendıkten oǧan Qairat batyrdyŋ esımın berudı ūiǧardyq. Täuelsız Qazaqstannyŋ ana atanǧanyma öte quanyştymyn. Balamyzdyŋ salmaǧy 2 kelı 100 gramm boldy", - deidı qala tūrǧyny Samal Jürsınbai.Bosanǧannan keiıngı äielderdıŋ jaǧdaiy tolyq jasalǧan. Mūnda bärı ūsaq-tüiekke deiın oilastyrylǧan. Mysaly, är tösektıŋ janynda qoŋyrau tüimelerı ornatylǧan. Būl jaŋa tuǧan näreste nemese onyŋ anasy kenetten auyryp qalsa, ony basuǧa bolady jäne därıgerler şūǧyl türde osynda keledı. Osylaişa, mamandar nauqastarǧa der kezınde jäne qajettı kömek körsetedı. Statistikaǧa süiensek, Almatyda künıne 100-den astam säbi düniege keledı. Halyq sanaǧynyŋ qorytyndysy boiynşa qazaqstandyqtardyŋ sany bügınde 19 millionnan asady. Olardyŋ 34 paiyzǧa juyǧy 17 jasqa deiıngı balalar men jasöspırımder.
”Adyrna” ūlttyq portaly
