Ukrainalyq deputat Sergei Nagorniak Joǧarǧy Rada otyrysyna Qazaqstan tuynyŋ tüsterınen jasalǧan kiımmen bardy, - dep habarlaidy “Adyrna” ūlttyq portaly Tengrinews.kz saityna sılteme jasap.
Sergei Nagorniak Ukrainanyŋ Joǧarǧy Radasyna Cherkassy oblysynyŋ atynan şyqqan. Ol - "Sluga naroda" saiasi partiiasy fraksiiasynyŋ müşesı, Qazaqstanmen parlamentaralyq bailanystar tobynyŋ jetekşısı.
16 jeltoqsanda Joǧarǧy Rada otyrysynda deputat söz alyp, ärıptesterın Qazaqstan halqyn qūttyqtauǧa şaqyrdy.
"Bügın köpşılık menıŋ kiımıme nazar audardy. Būl kezdeisoq emes. Kiımım bızdıŋ dostas memleketımız - Qazaqstannyŋ tüsınde. Bügın Qazaqstan täuelsızdık alǧanyna 30 jyl toluyn atap ötıp jatyr. Men olardy Joǧarǧy Rada ūjymynyŋ atynan Täuelsızdık künımen qūttyqtaǧym keledı. Bügıngı taŋda bızdıŋ sauda balansymyz bır milliard dollardan säl az. Bız ony ekı-üş ese emes, on ese ūlǧaita alamyz dep oilaimyn. Bızdıŋ dostyq tobymyz bügınde 40 deputattan tūrady, būl üşın bärımız bırge jūmys ısteimız. Qazaq dostarymyzdy Täuelsızdık künımen qoşemetpen qūttyqtaimyz", - dedı Sergei Nagorniak.
Aita keteiık, ukrainalyq deputat kök kostium kigen, jeidesınde Qazaqstan tuynyŋ elementterı beinelengen. Ol Facebook jelısındegı paraqşasynda suretın jariialady. Onda Nagorniak qara şapan kigenın de köruge bolady.
"Tarihymyz ortaq, dästürımız ūqsas. Bıraq eŋ bastysy közqarasymyz ūqsas, demek, bolaşaǧymyz da ortaq. Men sızderge senemın, Qazaqstannyŋ ūly halqy! Dostyǧymyzdy baǧalaimyn! Täuelsızdık künı qūtty bolsyn! 30 jyldyqpen qūttyqtaimyn!", - dep jazdy ol.
“Adyrna” ūlttyq portaly
