Qyzylorda oblysynda asa auyr qylmys jasaǧan küdıktıler ūstaldy, dep habarlaidy Polisia.kz.
Eske sala ketsek, 15 jeltoqsanda keşkı saǧat 18.00 şamasynda Qyzylorda oblysynyŋ Qarmaqşy audany Töretam auylynda bır top er adam janjaldasyp, qaru qoldanǧan. Saldarynan aialdamada tūrǧan üş jasöspırım oqtyŋ ūşqynynan jaraqat aldy.
Atalǧan derek Qylmystyq kodekstıŋ 24-babynyŋ 3-bölıgı, 99-babynyŋ 3-bölıgı boiynşa (Adam öltıruge oqtalu) tırkelıp, sotqa deiıngı tergep-tekseru bastalǧan.
Polisiia qyzmetkerlerı ızın suytpai 8 küdıktını anyqtap, ūstady. Būdan bölek, keşendı jedel-ızdestıru ıs-şaralaryn jürgızu kezınde oq atqan negızgı küdıktı qūryqtaldy. Ol kınäsın moiyndady. Tärtıp saqşylary odan qylmys qūralyn tärkıledı.
9 küdıktıge qatysty "küzetpen ūstau" būltartpau şarasy taŋdalyp, olar qamauǧa alyndy. Tiıstı sot saraptamalary belgılendı. Qazırgı uaqytta tergeu jalǧasyp jatyr.
Jasöspırımder der kezınde auruhanaǧa jetkızılıp, kömek körsetılgen. Olardyŋ bıreuı sol künı qaitarylsa, qalǧan ekeuı därıgerlerdıŋ baqylauyna alynǧan. Qazırgı kezde jasöspırımderdıŋ jaǧdaiy tūraqty.
”Adyrna” ūlttyq portaly
