Ufada ötken halyqaralyq biznes aptalyǧynda Qazaqstan men Başqūrtstan ükımetınıŋ ökılderı qūramynda Başqūrt soda kompaniiasy (BSK) men «Kaustik Pavlodar» jauapkerşılıgı şekteulı serıktestıgı kıretın himiialyq konsorsium qūru turaly kelıstı dep habarlaidy «Adyrna» ūlttyq portaly «orda.kz»-ke sılteme jasap.
İnvestisiialardyŋ boljamdy kölemı — 1 mlrd dollar.QR Premer-Ministrı Asqar Maminnıŋ aituynşa, bırlesken käsıporyn TMD-daǧy sirkonii oksihloridınıŋ jalǧyz öndıruşısı bolady.
— Būl jobalardyŋ önımdı ötkızu jäne eksporttau tūrǧysynan keleşegı öte zor, naryq ıs jüzınde aşyq, – dedı QR Premer-Ministrı.Sirkonii oksihloridınen basqa zauyt küidırgış soda, natrii gidrohloridı jäne titan dioksidın şyǧaratyn bolady. Bolaşaq bırlesken käsıporynnyŋ negızgı öndırısı «Pavlodar» arnaiy ekonomikalyq aimaǧynda ornalasady.
Zauyt reseilık jäne qazaqstandyq käsıporyndardyŋ importqa täueldılıgın azaityp qana qoimai, eksportqa baǧyttalǧan önımderdı keşendı öŋdeu men öndırudı jolǧa qoiuǧa, sondai-aq Europa men AQŞ-tan titan dioksidı, Qytai men Japoniianyŋ sirkonii oksihloridı importynan bas tartuǧa mümkındık beretın himiia önımderın şyǧaratyn bolady.TASS atap ötkendei, himiialyq konsorsium qūru «Kaustik Pavlodar» BSK-ǧa qosu arqyly jüzege asuy äbden mümkın. Sonyŋ arqasynda 1,2 myŋnan astam jūmys orny aşylady dep josparlanuda.
«Adyrna» ūlttyq portaly.
