Şymkent qalasynyŋ qylmystyq ıster jönındegı mamandandyrylǧan audanaralyq soty 2016-2020 jyldar aralyǧynda Qazaqstan aumaǧynda Bahrein Koroldıgıne qyzdardy jıberumen ainalysqan transūlttyq ūiymdasqan qylmystyq toptyŋ jetekşılerı men müşelerıne, sondai-aq olardyŋ sybailastaryna qatysty ükım şyǧardy, dep habarlaidy "Adyrna" ūlttyq portaly "Stan.kz"-ke sılteme jasap.
Būl tūlǧalar sot ükımımen kınälı dep tanylyp, olarǧa türlı jazalar taǧaiyndaldy. TŪQT basşysy S.Azadova 14 jylǧa bas bostandyǧynan aiyryldy.Qylmystyq toptyŋ basqa da müşelerı men sybailastary S.Ahmedova, E.Berkina, Ş.Ahmedova, Ş.Tūrǧynova 12 jylǧa bas bostandyǧynan aiyryldy; R.Qosdäuletova, E.Temırova 11,3 jylǧa bas bostandyǧynan aiyryldy; R.Seshladze 10 jylǧa bas bostandyǧynan aiyryldy; Savinskii S. men Madadov İ. 6,8 jylǧa bas bostandyǧynan aiyru;
Pichugin Z. men Azadova T.-ny QK-nıŋ 55-babynyŋ 4-bölıgımen 1,3 jylǧa bas bostandyǧynan aiyru; Gainullin R., QK-nıŋ 55-babynyŋ 4-bölıgımen 3 jylǧa bas bostandyǧynan aiyru jazasyn taǧaiyndaldy (sot zalynda qamauǧa alyndy).R.Gainullinge jazasyn qataŋ tärtıptegı qylmystyq-atqaru mekemelerınde, qalǧan sottaluşylar qauıpsızdıgı ortaşa qylmystyq-atqaru mekemelerınde öteu belgılendı.
Sonymen qatar, sot ükımımen 3 sottaluşy kınälı dep tanylyp, QK-nıŋ 68-babynyŋ 2-bölıgın qoldana otyryp, taraptardyŋ tatulasuyna bailanysty qylmystyq jauaptylyqtan bosatyldy.Esterıŋızge sala keteiık, būǧan deiın Işkı ıster ministrlıgı Bahrein Koroldıgınde adam saudasymen, onyŋ ışınde kämeletke tolmaǧandardy seksualdyq qūldyqqa satumen ainalysqan Qazaqstan, Resei Federasiiasy jäne Bahrein Koroldıgı azamattarynan qūralǧan qylmystyq toptyŋ jolyn kesken bolatyn. Ūzaq uaqyt boiy TŪQT jetekşılerı men qatysuşylary Qazaqstannyŋ oŋtüstık öŋırlerı tūrǧyndarynyŋ äleumettık osal toptarynan 16 men 25 jas aralyǧyndaǧy qyzdardy ızdeumen jäne jūmysqa qabyldaumen ainalysqan. Aǧymdaǧy jyldyŋ mamyr aiynda atalǧan qylmystyq ıs Işkı ıster ministrlıgınıŋ aiyptauymen sotqa joldanǧan bolatyn.
"Adyrna" ūlttyq portaly.
