2022 jyl COVID-19 pandemiiasy aiaqtalatyn jyl boluy kerek. Būl turaly Düniejüzılık densaulyq saqtau ūiymynyŋ bas direktory Tedros Adhanom Gebreiesus mälımdedı, - dep habarlaidy “Adyrna” ūlttyq portaly Tengrinews.kz saityna sılteme jasap.
"Menıŋ oiymşa, ekı jyldan keiın virusty jaqsy bılemız, bızde jaqsy qūral bar. Ümıt bar. Sondyqtan mälımdememde pandemiiany 2022 jyly aiaqtauymyz kerek ekenın aittym", - dedı ol särsenbıde ötken brifingte.DDSŪ basşysynyŋ aituynşa, qazır eŋ basty mäsele - vaksina men densaulyq saqtaudaǧy basqa şaralardy qosa alǧanda, qolda bar tiımdı qūraldardy qoldanu, vaksina taraluyndaǧy teŋsızdıktı joiu. Sonymen qatar, DDSŪ densaulyq saqtau salasyndaǧy tötenşe jaǧdailar baǧdarlamasynyŋ direktory Maikl Raian älem pandemiianyŋ soŋyna älı kelmegenın, bıraq ony jeŋuge mümkındık bar ekenın aitty.
"Menıŋ oiymşa, pandemiianyŋ soŋyna kelmedık, tıptı onyŋ aiaqtalatyn uaqyty da jaqyn emes. Bıraq ǧylymnyŋ arqasynda jaqsy qūraldar bar. Virusqa qarsy qalai äreket etu kerek ekenın jaqsy bılemız. Bıraq elder arasynda jan-jaqty jäne tūraqty baǧdarlamalardy (viruspen küresu) engızuge älı de ūjymdyq jospar joq", - dedı ol.Däl osy brifingte DDSŪ tötenşe jaǧdailar bölımı tehnikalyq tobynyŋ jetekşısı Mariia Van Kerkhov virus belgılı bır uaqytta mausymdyq qūbylys boluy üşın mutasiiany, jaǧdaiǧa beiımdelıp, dami beretının aitty.
"Menıŋ oiymşa, būl jerde virus endemikalyq sipatta bola ma degen sūraq tuyndamaidy. Ärine, ol osy jolda. Bıraq endemikalyq sipatta boluy qauıpsız degendı bıldırmeidı. Endemiialyq jaǧdaida onyŋ taralu deŋgeiı tömen, geografiialyq tūrǧydan şekteulı bolatynyn köremız, qorǧalmaǧan tūrǧyndar arasynda da ındettı baiqaimyz. Menıŋ oiymşa, osy baǧytta kele jatyrmyz. Bıraq pandemiianyŋ ortasyndamyz, älemnıŋ jartysynda pandemiia bolsa, endemiialyq jaǧdaiǧa öte almaimyz. Bızdı ūzaq jol kütıp tūrǧan sekıldı", - dedı Van Kerkhoven.Būǧan deiın DDSŪ Europalyq aimaq biurosynyŋ basşysy Hans Kluge omikron ştamyna bailanysty Europa elderındegı epidemiialyq jaǧdai naşarlaitynyn eskertken bolatyn. Sonymen qatar, Fransiiada virus jūqtyrǧandar sany täulıgıne 100 myŋ adamǧa deiın artady dep boljanyp otyr.
"Taǧy bır dauyl jaqyndap kele jatyr. Aldaǧy aptada omikron Europa elderınıŋ bırqataryna äser etedı", - dedı ol.
”Adyrna” ūlttyq portaly
