Reseide türkı qauymdastyqtarynyŋ ömırı turaly derektı film tüsırıp jürgen türık basylymynyŋ ekı redaktory — Nazgül Kenjetai men Emin Karachak qamauǧa alyndy dep habarlaidy "Adyrna" ūlttyq portaly "Anadolu" agenttıgıne sılteme jasap.
Olardy ekstremizmge qarsy ıs-qimyl bölımınıŋ qyzmetkerlerı ūstaǧan. Jurnalisterdıŋ zattary tärkılendı. Olar tüsırgen barlyq materialdar joiylǧan, al ekeuı de Abakandaǧy uaqytşa ūstau punktınde jaqyn uaqyttaǧy deportasiiaǧa daiyndalyp jatyr.Kenjetaidyŋ aituynşa, ony Krasnoiarsk arqyly Qazaqstanǧa, al ärıptesın Türkiiaǧa jıberu kerek. Alaida Kenjetai men Karachak bilık qamauda ūstau merzımın ūzartu üşın olardy şyǧaru prosesın keşıktırıp jatyr dep habarlaidy. Jurnalisterdıŋ aituynşa, Abakandaǧy kameralarynda jylu men ystyq su joq. Olar künıne ekı ret qana taza auamen tynystauǧa şyǧa alady. Al telefondary ünemı baqylauda. Sondai-aq kameralarda täulık boiy beinebaqylau jürgızıledı. Būl ūstalǧandardyŋ qūqyqtaryn būzady.
"IslamNews" aqparaty boiynşa, Kenjetai – Türık universitetınıŋ jurnalistika fakultetın bıtırgen Türkiiada tūratyn Qazaqstan azamaty. Ol Taiau Şyǧystyŋ ystyq nüktelerınen fotoreportajdar toptamasy üşın «Qazaqstannyŋ 100 jaŋa esımı» ūlttyq jobasyna endı. Emin Karachakpen bırge Hakasiiaǧa barar aldynda Iаkutiia, Buriatiia jäne Altaidaǧy türkı halyqtarynyŋ ömırı turaly bırneşe siujet tüsırgen. Sonymen qatar İrkutsk oblysyndaǧy tofa halqymen de jolyqqan.Al "Sibir.Realii" basylymy habarlaǧandai, 17 jeltoqsan künı Abakan qalalyq soty Kenjetai men Qarachakty şeteldık azamattyŋ Reseige kıru erejelerın bırneşe ret būzǧany üşın kınälı dep tapty. Sotty qoldaǧan IIM nūsqasy boiynşa, blogerler BAQ-qa video tüsırgen, bıraq Hakasiiada akkreditasiiasyz jūmys ıstedı: būl üşın olarǧa 5 myŋ rubl aiyppūl salyndy. Būǧan deiın Kenjetai men onyŋ serıktesıne Iаkutiiada osyǧan ūqsas bap boiynşa aiyppūl salynǧan bolatyn.
Türık memlekettık agenttıgı reseilık BAQ-ta: "Kenjetai men Karachaktyŋ Reseige qarsy ügıt-nasihat jürgızıp, tyŋşylyqpen ainalysqany, türkı halyqtarynyŋ Resei basşylyǧymen qiyn jaǧdaida ömır sürıp jatqanyn jäne İslamdy taratqany turaly negızsız mälımdemelerı bar materialdar jariialandy" dep atap öttı.Alaida Hakasiiadaǧy türıkter jurnalisterdıŋ auyr jaǧdaiyn bılıp, Kenjetai men Qarachakqa tamaq pen su aparǧan.
"Adyrna" ūlttyq portaly
