Vladimir Putin baspasöz mäslihatynda Resei ekonomikasy pandemiiaǧa bailanysty daǧdarys jaǧdaiynan az uaqyttyŋ ışınde şyqqanyn, özge elderge qaraǧanda tez "esın" jiǧanyn atap öttı dep habarlaidy "Adyrna" ūlttyq portaly TASS agenttıgıne sılteme jasap.
"Būl şaralardyŋ nätijesı jaman emes, — dep baǧalady Putin. — Bız daǧdarystan älemnıŋ basqa elderıne qaraǧanda tezırek şyqtyq. Bız jetekşı salalarǧa barynşa qoldau körsettık".Onyŋ aituynşa, pandemiia kezınde şaǧyn käsıpkerlık nysandary köp zardap şekken. Al uaqytynda qabyldanǧan bırqatar şaralar ırı önerkäsıpter men käsıporyndarǧa tiımdı bolǧan. Olar ıs jüzınde üzılıssız jūmys ıstedı, al keibır jaǧdailarda tıptı ösım baiqaldy, mysaly, qorǧanys önerkäsıbınıŋ körsetkışkı artqan.
"Al şaǧyn bizneske kelsek, tamaqtandyru, sport zaldary, teatrlar, kinoteatrlar, mūrajailar köp zardap şektı", — degen V.Putin būl salany qoldau üşın qandai şaralar qolǧa alynǧanyn eske tüsırdı. Onyŋ ışınde nesie beru, jeŋıldıkter, bölıp töleu jäne jeŋıldıkpen jalǧa beru, t.b. bırqatar şaralar bar.https://www.youtube.com/watch?v=bzRw6a_p-ls
"Adyrna" ūlttyq portaly
