Bır kündık qūremttıŋ "qadırı"

Köktem saiyn qazaq qoǧamynda qos taqyryp qai­yra köterılıp, qoiyrtpaqtanady da jatady. Bırınşısı, 14 aq­pan - «äu­lie Valentin künı», ekınşısı, 8 nauryz - Halyq­ara­lyq äielder künı. Şyntuaityna kelgende, būl at­al­ǧan qos meiramnyŋ da tarihy jetısıp tūrǧan joq. Onyŋ üstıne ekeuı de qazaqqa jat, zorlyqpen ta­ŋyl­ǧan datalar. Orystıldı nemese orysqol qazaq ba­u­yr­larym, ärine, keŋırdekterın sozyp, uäj aita ja­t­ar, bıraq, bärıbır, bärınıkı bos söz, qūr qoqan-loqqy...

«Ūra berseŋ, saitan da öledı» demekşı, äulienıŋ künı küŋgırttene bastaǧan syŋaily, tek basyna orys­şyl­dyq ötıp ketıp, jüregıne qara daq salǧan topalaŋ to­byr ǧana 14 aqpanda qoldaryna jürektıŋ suretı sa­lynǧan titımdei otkrytkalaryn ūstap, alaqtap jüredı...

Eŋ qiyndauy, 8 nauryzdyŋ näubetı bolyp tūr. Aǧa buyn aiyqpastai ulanyp, orta buyn oŋbai omaqasqan, tıptı, jas buynnyŋ buynyna tüsıp ketken Äielder künı, bır qaraǧanda, ziian-zobalaŋnan ada, jaimaşuaq köktemnıŋ köŋıldı betaşary sekıldı. Dei tūrǧanmen, 8 nauryzdyŋ tarihy da taramystanyp jatyr.

Tek, anaǧa degen qūrmet qana qazaqtyŋ tılın kürmeltıp, ekpının eŋseletıp otyr.

Negızı, 8 nauryz - gül satuşylardyŋ naǧyz meira­my. Sırä, osy biznestıŋ ökılderı osy bır-aq künde bır jyldyq qoryn jinap alatyn şyǧar. Qūrban ait­ynda qoi saudalauşylar o dünienıŋ sauabynan görı, bū dünienıŋ qalauyna jeŋılıp jatsa, 8 nauryzda gül satuşylardyŋ qūdaiy berıp qalady. Qyzǧanyş joq, eŋbek etken eselep jesın, bıraq, taǧy da ūiat pen imandy attap ketetınımız qalai?!. Qaltasy jūqa bır-aq tal gül alǧanǧa alara qarap, qaltasy men qar­ny qampiyp, bırneşe kärzıŋke gül şoǧyrlaryn saudalaǧannyŋ aldynda qūrdai jorǧalaitynymyz qalai?..

«Meiramnyŋ tarihy» demekşı, 8 nauryz turaly oiyn bıldırgen belgılı telejurnalist Serık ABAS-ŞAH aǧamyz kögıldırler men erkekşoralardyŋ oilary men qoldarynan şyqqan zattardy erkın qoldana beruge şaqyrypty. Menıŋşe, «spornyi vopros»...

Dausyz mäsele, 8 nauryz jaily qazaq qoǧamynda bırjaqty tūjyrym joq.

Bır kündık qūrmettıŋ «qadırı» qalai baiandy bolsyn!

Aiauly ana men ardaqty aru kün saiyn, sät saiyn qūrmetke laiyq.

---