Búgin «SaryarqaAvtoProm» JShS alańynda Memleket basshysynyń úndeýin qoldaǵan «Allıýr» kompanııalar toby Oleg Pırogqa otandyq shyǵarylǵan Chevrolet Nexia avtokóliginiń kiltin tabys etti. Bul týraly Qostanaı oblysynyń ákimi Arhımed Muhambetov málim etti, dep habarlaıdy "Adyrna" ulttyq portaly.
«Men, jas qaharman Olegke el Prezıdenti Qasym-Jomart Kemeluly Toqaevtyń Alǵys hatyn tabys ettim, Oleg te QR Tótenshe jaǵdaılar mınıstrliginiń «Órtte kórsetken qaısarlyǵy úshin» medalimen marapattaldy. Olegtiń anasy Valentına Pırog QR Alǵys hatymen marapattaldy», - dedi oblys ákimi.
El Prezıdenti stýdenttiń batyldyǵy men qaısarlyǵy úshin rızashylyǵyn bildirdi.
«Osyndaı jas bolsańyz da siz naǵyz erlik jasadyńyz, qıynshylyqta qalǵan balalarǵa batyldyqpen jáne oılanbastan kómekke keldińiz, úlken qaıǵyly oqıǵanyń aldyn aldyńyz», – dep jazdy Memleket basshysy Qasym-Jomart Toqaev.
«Men Olegtiń ata-anasyna balalarǵa laıyqty tárbıe bergeni úshin taǵy da alǵysymdy bildiremin. Olegtiń áreketi balalarǵa ǵana emes, eresekterge de úlgi. Bul rette dırektorlar keńesiniń tóraǵasy Andreı Lavrentevtiń atynan «Allur» kompanııasyna Memleket basshysynyń bastamasyn qoldaǵany úshin alǵys aıtqym keledi», - dep jazdy ákim.
Eske sala keteıik, Qostanaıdaǵy «Baǵban» saıajaıynda 25 jeltoqsan kúni túski ýaqytta órt boldy. Besinshi synyp oqýshysy Oleg Pırog kóshede oınap júrip, qoıý tútindi kórgen. Kórshilerdiń saıajaıy órtengen. Stýdent oılanbastan kómekke umtyldy. Úıde eki jastan segiz jasqa deıingi tórt bala bolǵan. Olardy órtenip jatqan ǵımarattan alyp shyǵyp, kıimderin berdi.
"Adyrna" ulttyq portaly
