Äleumettık jelıde Türkıstan oblysy bılım basqarmasy qyzmetkerlerınıŋ jaŋajyldyq keşınen videolar tarap jatyr, dep habarlaidy ”Adyrna” ūlttyq portaly Otyrar.kz saityna sılteme jasap.
Kadrda bır top adamnyŋ dämhanaǧa jinalyp, merekenı toilap jatqany körınedı. Bıraq kenetten polisiia qyzmetkerlerı men blogerler bölmege kırıp keledı. Olardy körgen qyzmetkerler betterın jauyp asyǧys şyǧa bastaidy.
Video avtory mektepter men balabaqşalarda erteŋgılıkke tyiym salynǧanymen, şeneunıkterdıŋ korporativ ötkızıp jatqanyna narazylyǧyn bıldırgen.
Sondai-aq jazbany jariialauşy Türkıstan oblysy bılım basqarmasynyŋ basşysy Rahymbek Jolaev korporativten qaşyp ketkenın tüsırıp alǧanyn aitady. Videoda er adamnyŋ köşedegı operatordan qaşyp, şaǧyn arnadan ötkenı körsetıledı. Keiın kölıkke mınıp, qaşyp ketedı.
Alaida oblystyq bılım basqarmasy videoda Türkıstan oblysy bılım basqarmasynyŋ basşysynyŋ joq ekenın mälımdedı.
"Būl videodaǧy basqarma basşysy emes, būl qate aqparat. Kafege kelsek, iä onda qyzmetkerler jinalǧan, olarǧa jai ǧana sertifikattar berılgen. Basşy baryp qūttyqtap, ketıp qalǧan. Eşkım karantin şaralaryn būzǧan joq", - dep tüsındırdı vedomstvo baspasöz qyzmetı basşysy.Keiın korporativtıŋ videosyn tüsırıp, äleumettık jelıge jariialaǧan qoǧam belsendılerı sotqa tartylatyny belgılı boldy. Belsendılerge qarsy aryzdy Türkıstan oblysy äkımdıgınıŋ qyzmetkerlerı jazǧan. Şeneunıkter video memlekettık qyzmetkerlerdıŋ bedelıne nūqsan keltırdı dep otyr: sanitarlyq talaptar būzylmaǧan. Vedomstvo ökılderınıŋ aituynşa, banket zaŋdy türde ūiymdastyrylǧan, meiramhanaǧa nebärı 50 adam jinalǧan.
"Üş-tört qyzmetkerdıŋ atynan olardyŋ bedelıne nūqsan keltırgenı üşın sotqa talap-aryzdar daiyndalyp jatyr. Sanitariia därıger 100 adamǧa deiın korporativtık şaralar ötkızuge rūqsat berdı. Al būl talaptar būzylǧan joq", - dedı Türkıstan oblysynyŋ Adami damu departamentı basşysy Äljan Saparbekov.
“Adyrna” ūlttyq portaly
