Pavlodar oblysynda syrtqy jelılerdı tartu jäne tūrǧyn üi keşenın abattandyru jūmystary kezınde qarjy jymqyrylǧany anyqtaldy, - dep habarlaidy “Adyrna” ūlttyq portaly Qarjylyq monitoring agenttıgıne sılteme jasap.
Qarjylyq monitoring agenttıgı mälımetınşe, Pavlodar oblysy boiynşa aumaqtyq departament qyzmetkerlerı Pavlodar qalasyndaǧy "Saryarqa" tūrǧyn üi keşenıne syrtqy jelılerdı tartu jäne abattandyru kezınde, sondai-aq Leninsk qalasyndaǧy deneşynyqtyru-sauyqtyru keşenın salu kezınde qarajy jymqyrylǧanyn anyqtaǧan.
"A.Ahmetov biudjet qarajatyn jymqyru maqsatynda 2016-2017 jyldary "AziiaSpesStroi" JŞS, "Man-Qoja" JŞS jäne "Reper-SK" JŞS-ny alyp, olardy basqa tūlǧalar atyna tırkep, keiın osy käsıporyndar atynan memlekettık satyp aluǧa qatysqan. Ahmetov aldyn ala söz bailasu arqyly Bekeevpen, Kültūmanovpen, Saǧynaevpen jäne Ǧabbasovpen memlekettık satyp alu turaly şarttar boiynşa oryndalǧan jūmystardyŋ ıs jüzınde oryndalmaǧan aktısıne qol qoiyp, osylaişa memleketke jalpy somasy 59 million teŋgeden asa zalal keltırıldı", - delıngen habarlamada.
Baspasöz qyzmetı mälımetınşe, Ahmetov segız jylǧa, Bekeev üş jylǧa, Kültūmanov, Saǧynaev jäne Ǧabbasov ekı jyldan üş jylǧa deiın bas bostandyǧyn şekteuge sottalǧan.
”Adyrna” ūlttyq portaly
