Biyl elımızdıŋ batys öŋırlerındegı quaŋşylyqqa bailanysty erıktılerdı bırıktırıp, sol oblystarǧa jem-şöp jıberuge airyqşa üles qosqan Qūrmet Talapqazy QR Prezidentı Qasym-Jomart Toqaevtyŋ «Halyq alǧysy» medalıne ie boldy, dep habarlaidy «Adyrna» tılşısı Zakon.kz-ke sılteme jasap.
Türkıstan oblysy äkımdıgınıŋ baspasöz qyzmetı mälım etkendei, halyqtyŋ alǧysyna bölengen Qūrmet Talapqazyǧa marapatty Türkıstan oblystyq qoǧamdyq damu basqarmasynyŋ basşysy Aŋsar Öserbaev tapsyrdy.
Qūrmettıŋ otanşyldyǧy jastarǧa ülgı bolatynyn aitqan basqarma basşysy oǧan estelık syilyq ūsynyp, Türkıstan öŋırınıŋ eŋbekqor jūrtşylyǧy igı bastamalardy ärqaşan qoldap kele jatqanyn atap öttı. Azamatqa eldıŋ yqylasy erekşe ekenın jetkızdı.
Eske salsaq, qoǧam belsendılerı äleumettık jelı arqyly biyl ala jazdai quaŋşylyqtan zardap şekken Maŋǧystau oblysyna şöp jinap kömek körsetken Qūrmet Talapqazyǧa Täuelsızdık künıne orai qūrmet körsetıluın talap etkenın jazǧan edık.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz