17 jastaǧy şahmatşy Bibısara Asaubaeva Polşada blisten ötken älem chempionatynda altyn medal ielendı. Onyŋ būl jeŋısımen äleumettık jelıde QR Mädeniet jäne sport ministrı Aqtoty Rpiymqūlova qūttyqtady dep habarlaidy "Adyrna" ūlttyq portaly.
"Qūrmettı Bibisara Erhanqyzy! Sız älem şahmaty tarihyndaǧy eŋ jas älem chempiony atandyŋyz! Sızdı tamaşa jeŋısıŋızben qūttyqtaimyn! 17 jasyŋyzda Sız bliste jeŋımpaz atanyp, eresekter arasyndaǧy älem chempionatynda jeŋıske jettıŋız. Būl Qazaqstan tarihynda alǧaş ret bolyp otyr. Sızdıŋ jeŋısterıŋız ülken taŋdanys, qūrmet jäne bükılhalyqtyq mahabbat tudyrady! Sız öz jetıstıkterıŋız arqyly Otanyŋyz - Qazaqstan Respublikasynyŋ daŋqyn asqaqtattyŋyz! Sızge älem bırınşılıkterınde jaŋa jeŋıster tıleimın! Sızge myqty densaulyq, quat, şydamdylyq tıleimın. Qazaqtyŋ daŋqty qyzynyŋ esımı älem şahmatynyŋ tarihyna altyn ärıptermen jazylsyn!", — dep jazdy ministr.Aita ketu kerek, būǧan deiın qazaqstandyq sportşy klassikalyq şahmattan 8, 10, 12 jäne 14 jasqa deiıngı qyzdar arasynda älem chempiony, 7, 9 jasqa deiıngı mektep oquşylary arasynda älem chempiony atanǧan. Sondai-aq, juyrda 17 jasar B.Asaubaeva tamaşa öner körsetıp, osy älem chempionaty aiasynda rapidten (jyldam şahmattan) 2-oryndy jeŋıp alǧan bolatyn.
"Adyrna" ūlttyq portaly.
