Jaŋaözendegı dauys bükıl qazaqtyŋ dauysy

Qūdai taǧala qazaqqa ölşeusız bailyq berdı. Jerınıŋ tügın tartsaŋ maiy şyǧady. Asty kenış. Bıraq sonymen qatar jemsauyna salsaŋ jer şary syiatyn jemqorlardy da bergen eken. Bır kem dünie degen osy. Äitpese, mūnai şyǧaratyn elde gaz ben benzin qymbat degen ne söz? Otyz jylda bai men kedeidıŋ arasy tym alşaqtap kettı. Būl öte qauıptı qūbylys! Eger käsıp qylyp baiysa dau joq. Bızdıŋ bailardyŋ jobamen 80 paiyzy bilıgın asyra paidalanyp häm jemqorlyqpen baiyǧandar. Halyqtyŋ nesıbesın jedı. Al halyq degen Qūdaidyŋ bır aty. Qazaqstannyŋ bar bailyǧy azǧantai toptyŋ qolynda. Halyq aş. Mūnai baǧasy köterılse ailyq ta köterılu kerek. Zeinetaqy da. Mūǧälım men därıgerdıŋ ailyǧy köterılıp jatqanmen özge jūmyskerlerdıŋ ailyǧy köterılıp jatqan joq. 50000 teŋgege jūmys ıstep, jan baǧyp jürgender bar. Endı qalǧan segız jylda 2030 bolyp, ıske asyp ketedı-au dep oilamaimyn! Jaŋaözendegı dauys bükıl qazaqtyŋ dauysy! Men jaŋaözendıktermen bırgemın! Antimonopoliiamen bırge memlekettık kommissiia qūrylyp, būl qymbatşylyqtyŋ sebebı anyqtaluy kerek. Eger artynda jer şaryn jūtqysy keletın jegıqūrttar tūrsa olar zaŋmen jauap berulerı tiıs! Estitın Ükımet halyqtyŋ jan aiqaiyn estımese Kereŋ bolǧany da. Auruyn jasyrǧan öledı. Bızdıŋ bilık otyz jylda ketken qatelıktıŋ bärın aşyq moiyndap, jaŋa reforma jasauy kerek. Jemqorlardyŋ oryny mınbe emes, türme!