Jaŋaözen oqiǧasyna qatysty Bolat Atabaev körsetken mınez jetpei tūr

Jaŋaözendıkterdıŋ talaby bır ǧana öŋırge emes, bütkıl qazaqqa ortaq. İä, Jaŋaözendegılerdıŋ mūŋy kez kelgen qazaqtyŋ jüregın qozǧap, janyna batyp tūr, är jerden “bız bırgemız” degen sözdı köz şalyp jatqany da sodan. Jaŋaözendegı küizelgen eldıŋ küŋırenısın üide jatyp küiınıp tyŋdaudan ne önedı? Bıraq… Jeteiın dese, jerdıŋ şalǧailyǧy, odan būryn barmaqqa bekıngennıŋ aldynan şyǧatyn qoldan jasalǧan tosqauyldar kezıgıp ışten bulyǧyp otyrǧan jaǧdai bar. Bilıktıŋ de, tärtıp saqşylarynyŋ da qarapaiym halyq jaǧyna şyǧatyn kez jettı. Qazaq ziialylary qalyŋ ūiqydan qaşan oianady? Däl qazır azamattyq söz aityp, azamattyq mınez körsete alatyn ziialylar qaida? Däl bügın aldyŋǧy Jaŋaözen oqiǧasyna qatysty Bolat Atabaev körsetken mınez jetpei tūr. Jyl qazaqtyŋ mūŋyn aitumen bastaldy, tyŋdar qūlaq tabylyp, qazaqtyŋ müddesıne şeşıler oŋ nätije körudı näsıp etkei! Keşe ǧana sailanǧan deputattardyŋ ünsızdıgı az qazaqtyŋ bırın-bırı jekkörıp ketpeuıne sebep bolmauy kerek. Jaǧdai uşyqsa, jūdyryq bolyp tüiılıp, atqa qonatyn qazaqty eşkım de, eşteŋe de toqtata almaidy. Öitkenı tözım tausylyp, sabyr sarqylyp barady. Ony bärı sezıp-bılıp otyr. Jaŋaözendıkterdıŋ jalǧyz emes ekenın osylai jetkızgendı jön kördım. Azamat retınde, Bolat aǧamnyŋ aruaǧynyŋ aldynda aitpaǧym osy boldy, ärkımnıŋ qabyldau-qabyldamauy öz erkınde.