3 qaŋtarda Maŋǧystau oblysynyŋ äkımı Nūrlan Noǧaev sūiytylǧan mūnai gazynyŋ baǧasyn tömendetudı talap etken Aqtau qalasynyŋ avtokölık ielerımen kezdestı, dep habarlaidy Maŋǧystau oblysy äkımınıŋ baspasöz qyzmetı.
Nūrlan Noǧaev jinalǧandarǧa Memleket Basşysy Qasym-Jomart Toqaevtyŋ tapsyrmasy boiynşa sūiytylǧan mūnai gaz baǧasyn tömendetuge qatysty Ükımet qabyldaǧan şaralardy tüsındırdı.
Oblystyŋ AGQS ielerı biznestıŋ äleumettık jauapkerşılıgı aiasynda bastamaşylyq tärtıppen gaz qūnyn 120 teŋgeden 85-90 teŋgege deiın tömendetu turaly şeşım qabyldady.
Nūrlan Noǧaev Bäsekelestıktı qorǧau jäne damytu agenttıgı AGQS ielerıne qatysty baǧalyq söz bailasu boiynşa tergeu bastaǧanyn aitty.
Avtokölık ielerımen kezdesu barysynda Nūrlan Noǧaev jinalǧandardy qoǧamdyq tärtıptı saqtauǧa, halyqtyŋ ömırı men densaulyǧyna qauıp tönuıne jol bermeuge şaqyrdy.
Oblys äkımı kez-kelgen mäselenı tek syndarly dialog arqyly şeşuge bolatynyn atap öttı.
Kezdesuge Ükımettıŋ tapsyrmasy boiynşa qūrylǧan komissiia qūramyna kıretın energetika ministrlıgı men bäsekelestıktı qorǧau jäne damytu agenttıgınıŋ ökılderı de qatysty.
"Adyrna" ūlttyq portaly
