Jaŋaözen tolquy — halyqtyŋ jüiege tūiaq serpuı. Osy künge deiın bärımız “sabyr”, “şükır” dep keldık. Keler künnen ümıttı edık. Ümıttıŋ jıbın üzdık. Sonyŋ bırı — özım. Eldegı ǧylym salasy jemqorlyqqa äbden bylyqqan soŋ, elden ketuge mäjbür boldym.
Men siiaqty, menen de äleuetı joǧary, bılımdı, jan-jaqty damyǧan, bırneşe tıldı erkın meŋgergen jastar syrtqa kettı. Ketıp te jatyr… sebebı belgılı… tamyr-tanyssyz būl elde jūmysqa tūru nemese ǧylymi-zertteu jobaŋa grant alu mümkın emes… dälel köp…
Elde äleumettık teŋdık joq. Künnen-künge baǧanyŋ şaryqtauy, auylşaruaşylyǧynyŋ müşkıl jaǧdaiy — qara halyqqa oŋai soǧyp tūrǧan joq. Pandemiia qysymy, därı-därmek pen azyq-tülıktıŋ qymbattauy, kei aimaqtardaǧy kömırdıŋ tapşylyǧy, su men jaryq, jylu tarifınıŋ ösuı — qaltaǧa salmaq tüsırıp tūr. Bır ailyqqa jan baǧu degen “ertegı”. Qazır ekınıŋ bırınıŋ moinynda kredit bereşegı bar. Paiyzdary da sūmdyq.Tapqanyn bır aidan kelesı aiǧa jetkıze almai, qaryzǧa belşesınen batqan qanşama otbasy bar… tanystar da… tuystar da bar… nesın jasyraiyq… Qazaqstanda şaŋyraq iesı — qazaq qaŋǧyp, qinalyp jürgenı ötırık emes… Öitkenı, BASPANA baǧasy tüsıŋe kırmeitın soma. “Qoljetımdı baspana” degenı bolmaityn şarua. Baspana baǧasy arzandamai, berekelı ömır joq… Eşkım alaŋǧa erıkkennen şyqpaidy. Bilık pen halyqtyŋ arasy jer men köktei. Bilıktegıler qazaq tılınde söilemeidı, halyq zaryna tükırgenı de bar. Osyndai jaǧdai da halyqtyŋ taǧatyn tauysyp, sabyryn sarqydy.
Mende otyzǧa kelgen el azamaty retınde — Qazaqstanymnyŋ jemqorlyqsyz şynaiy damyǧan, “2030”, “2050” degen “ertegı” jobasyz qaryştaǧanyn qalaimyn. Otanymda ädılettı qoǧam ornaǧanyn körgım keledı. Boiymda küş-quatym barda, elımnıŋ ädebietın, ǧylymyn damytqym keledı. #Jaŋaözen köterılısın qoldaimyn!Ūlttyq ideologiiasy joq memleketıme janym aşidy. Daiyn tūrǧan Alaş jobasyn ǧylymǧa, ekonomikaǧa, medisina men auylşaruaşylyǧy qūrylymdaryna qoldanuǧa bolady dep qanşa zarladyq. Dauysym kımge jettı?! Oqyǧan jas kadrǧa oryn joq. Zeinetkerler dökei tanys-tuystaryna arqa süiep, köp mekemenıŋ kıltın ūstap otyrǧany bar. Jastarǧa ornyn bermei, osyndai şal-şauqan kresloǧa jabysyp, aiaǧymyzdy tūsady… Eldı qalai damytpaq būlaryŋ?! Är salaǧa reforma kerek. Mäsele men tüitkıl qordalanyp qalǧan. Jaŋaşa oilaityn, eŋbekke jaramdy jastar resursyn dūrys paidalanu kerek edı. 30 jylda jönı tüzu ne zauyt, ne fabrika aşpadyq. Qūr maqtau, daŋǧaza toi. Sol bos söz ben ötırık maqtau — pandemiia kezınde aidai älemge masqaramyzdy şyǧaryp, artymyzdy aşty. Auyldardy qūrttyq. Toz-tozy şyqqan auylda ne jūmys, ne bolaşaq joq. Körkı qaşqan, ajary tozǧan, joly joq auylǧa qarasaŋ, janyŋ qūlazidy. Menıŋ tuǧan auylym uaǧynda qandai auyl edı! Auylda ataqty #QapalArasan kurorty bolatyn, ony bır dökei talan-tarajǧa tüsırıp, qūrtty. Şekaradaǧy Qapal audany jabylyp, statusynan aiyryldy… aitsaŋ söz köp… qazır auylymda tūratyn halyqtan mola men köşken jūrttyŋ orny köp… “Estitın ükımettıŋ” Prezidentı men Ükımet basşysy, Parlament palatalarynyŋ qos töraǧasy nege Jaŋaözenge barmai jatyr?! Saŋyrau bolmasa da osy fb-da otyrǧan Aida Balayeva Maulen Aşimbaev Berık Uäli körsoqyr emes şyǧarsyzdar!!! Qazaqstannyŋ är qalasy damuy tiıs. Jer asty, jer üstı bailyǧy — halyq qazynasy. Jezqazǧan, Qaraǧandy, Jaŋaözenderımız Dubai siiaqty jainap tūruy kerek!!! Aqiqatynda, myna Nazarbaev jüiesı halyqtyŋ senım kreditınen aiyryldy. Menıŋ zamandastarym endıgı ertegıge senbeidı. Sondyqtan Ükımet pen Parlament qūramy( tügel depkorpusty taratu kerek) Nūrjüie auyspai, eşteŋe özgermeidı!!!
Eldos TOQTARBAI
(jazba Facebook paraqşasynan aldy)
