Tarazda túnde 10-nan astam kólik órtendi

2206
Adyrna.kz Telegram

Tarazda túngi tolqýlar áserinen 10-nan astam polıııa kóligi órtenip, oblys ákimi apparatynyń ǵımaraty men bank bólimshesi zardap shekti. Qańtardyń 4-i kúni Taraz qalasynyń ortalyq alańynda Berdibek Saparbaev jınalǵandardy sabyrǵa shaqyryp, zańsyzdyqqa boı aldyrmaı, dıalog ornatýǵa shaqyrdy.

"Alaıda, ókinishke oraı, birneshe júzdegen jastar qalanyń negizgi kóshelerimen júrip ótip, tártipsizdikter týǵyzyp, buzaqylyq áreketterge bardy. Zań bárine birdeı, ony bári oryndaýǵa mindetti! Memleket menshigine zııan keltirý, qoǵamdyq tártipti buzý zańmen jaýapqa tartylady. Bizdiń oıymyzsha, júzdegen jastar qandaı da bir toptyń yqpalyna tústi. Barshańyzdy arandatýshylyqqa boı aldyrmaýǵa jáne sabyrly bolýǵa shaqyramyn!" - dedi Berdibek Saparbaev.

Oblys ákiminiń aıtýynsha, zańsyz áreketke barǵan tulǵalar jaýapkershilikke tartylady.

"Adyrna" ulttyq portaly

Pikirler