Jambyl oblystyq polisiia departamentınıŋ basşysy Janat Süleimenov qaitys boldy, - dep habarlaidy "Adyrna" ūlttyq portaly.
Jambyl oblystyq polisiia departamentınıŋ baspasöz qyzmetı polisiia departamentı bastyǧynyŋ ölımı turaly aqparatty rastady. Baspasöz qyzmetı män-jai men basqa da mälımetterdı jariialamady. Alaida orda.kz saitynyŋ mälımetınşe Janat Süleimenov, öz-özıne qol jūmsaǧan.
"Janat Süleimenovtıŋ qaitys bolǧany ras. Bıraq qandai jaǧdaida qaitys bolǧandyǧy turaly derek älı de naqtylanuda", - dedı PD baspasöz qyzmetı.
Janat Süleimenov 1962 jyly tuǧan, ışkı ıster organdarynda 1980 jyldan berı qyzmet atqardy. Osy jyldar ışınde esırtkı biznesıne qarsy küres komitetterın, kriminaldyq polisiiany, kölıktık polisiia bölımderın, sondai-aq Qyzylorda jäne Oŋtüstık Qazaqstan oblystaryn basqardy. 2017-2019 jyldary Işkı ıster ministrınıŋ bırınşı orynbasary qyzmetın atqarǧan.
Janat Süleimenov 2020 jyldyŋ aqpan aiynda Qordai öŋırınde bolǧan oqiǧadan keiın Jambyl oblysynyŋ polisiia departamentınıŋ bastyǧy bolyp taǧaiyndalǧan bolatyn.
"Adyrna" ūlttyq portaly
